جازىلعان بارلىق جايتتار نەگىزسىز

3723
Adyrna.kz Telegram

 "ادىرنا" ۇلتتىق پورتالىندا ەكىباستۇز قالاسى اكىمىنىڭ ورىنباسارى  نەفەدوۆاعا قاتىستى بىرنەشە ماقالا شىقتى. ءبىز ادەتتەگىدەي قارسى تاراپتىڭ ايتار ۋاجىنە دە ءسوز بەرەتىنىمىزدى مالىمدەيمىز. بۇل جولى «ەكىباستۇزداعى ون بەس مىڭنىڭ «جىرى» ماقالاسىنا  تەرىستەۋ  جاۋاپ كەلدى. حاتتى سول كۇيى ۇسىنىپ وتىرمىز.

تەرىسكە شىعارۋ تالابى

«Aدىرنا» ۇلتتىق پورتالىندا 2020 جىلدىڭ 29 ماۋسىمىندا اسۋان تايجاننىڭ اتىنان جاريالانعان «ەكىباستۇزداعى ون بەس مىڭنىڭ «جىرى»» اتتى باسىلىمىندا  اقيقاتقا جاناسپايتىن اقپاراتتى قازاقستان رەسپۋبليكاسىنىڭ «بۇقارالىق اقپارات قۇرالدارى تۋرالى" زاڭىنىڭ 19-بابىنا، سونداي-اق قر قك 130-بابىنا سايكەس  تەرىسكە شىعارۋدى جانە تومەندەگى اقپاراتتى جاريالاۋىڭىزدى سۇرايمىز (جاۋابىمىز):

- ىلە، سول جىلدىڭ قازان ايىندا، اباي ەسىمىنە يە بولعان وسىناۋ مەكتەپتە ۇلى اقىننىڭ (2020 جىلى اتالىپ وتۋگە ءتيىس) مەرەيتويىنا ارنالعان حالىقارالىق كونفەرەنتسيا ءوتتى. بۇل ءوزى اتى «حالىقارالىق» بولعانىمەن، زاتى بەيمالىم شارا بولدى. بەيمالىم دەيتىنىمىز، ەكىباستۇز قالالىق ءبىلىم ءبولىمىنىڭ رەسمي پاراقشالارىندا بۇل شارا بىرەسە «فەستيۆال»، بىرەسە «حالىقارالىق كونفەرەنتسيا» بولىپ جازىلدى. فەستيۆال مەن كونفەرەنتسيا ەكەۋى ەكى ءتۇرلى نارسە.

2019 جىلدىڭ قازان ايىندا ەكىباستۇز قالالىق ءبىلىم ءبولىمىنىڭ رۇقساتى بويىنشا سولنەچنىي كەنتىندە ورنالاسقان اباي اتىنداعى №28 مەكتەپتە يننوۆاتسيالىق ەۋرازيا ۋنيۆەرسيتەتىنىڭ بىلىكتىلىكتى ارتتىرۋ ينستيتۋتىنىڭ  پەداگوگ مامانداردىڭ بىلىكتىلىگىن ارتتىرۋ جوسپارىنا سايكەس «اباي قۇنانباەۆتىڭ 175 جىلدىق مەرەيتويىنا ارنالعان «حالىقارالىق پەداگوگيكالىق يدەيالار فەستيۆالى: ابايدىڭ گۋمانيستىك ويلارى قازاقستاندىق ءبىلىم بەرۋدىڭ نەگىزى رەتىندە» اتتى حالىقارالىق فەستيۆال وتكىزىلدى. راس، 2020 جىل - ابايدىڭ 175 جىلدىق مەرەيتويى، سايكەسىنشە ۇستىمىزدەگى وقۋ جىلىنداعى ءىس-شارالار جوسپارىندا ۇلى اقىنعا ارنالعان شارانىڭ ەكى-ءۇش اي بۇرىنىراق قامتىلۋىنىڭ ەش سوكەتتىگى جوق دەپ ەسەپتەيمىز.

بۇل ءوزى اتى «حالىقارالىق» بولعانىمەن، زاتى بەيمالىم شارا بولدى. بەيمالىم دەيتىنىمىز، ەكىباستۇز قالالىق ءبىلىم ءبولىمىنىڭ رەسمي پاراقشالارىندا بۇل شارا بىرەسە «فەستيۆال»، بىرەسە «حالىقارالىق كونفەرەنتسيا» بولىپ جازىلدى.

شاراعا «حالىقارالىق» اتاۋ بەرىلۋىنە سەبەپ بولعان - شەتەلدەن كەلگەن عالىمدار. قازىرگى كەزدە ءبىلىم سالاسىندا بولىپ جاتقان جاڭالىقتارمەن ءوز ويلارىن بولىسە كەلگەن شەتەلدىك ارىپتەستەرىمىزدىڭ كەلۋى  شارانىڭ مازمۇنىن اشتى دەپ ويلايمىز. شەتەلدەن كەلگەن ادىسكەر عالىمدارىڭ سانى – 5 ادام.

فەستيۆال دەپ اتاۋىمىزدىڭ سەبەبى: فەستيۆال اياسىندا عىلىمي جۇمىستار عانا ەمەس، سونداي-اق، وقۋشىلار مەن مۇعالىمدەر تاراپىنان دايىندالىپ اكەلىنگەن ءتۇرلى تاقىرىپتاعى جوبالار، شىعارماشىلىق جۇمىستار/ەسەپتەر، روبوتەحنيكا سەكتسياسى جۇمىستارى، ءان-كۇي/ساحنالانعان شىعارمالار، اباي ولەڭدەرىن مانەرلەپ وقۋ سايىستارىنا قاتىستى جۇمىستار تىڭدالىپ باعالاندى. اتالعان سايىستاردىڭ قورىتىندىلارى بويىنشا ادىلقازىلار القاسى سول كۇنى الدىن الا دايىندالىپ اكەلىنگەن  ديپلومدارمەن جەڭىمپازداردى ماراپاتتادى.

 

جالپى، كەز كەلگەن ەسى دۇرىس كونفەرەنتسيا وتەر الدىندا اقپاراتتىق حات تاراتىلادى. وندا جارنانىڭ سوماسى كورسەتىلىپ، تولەيتىن رەكۆيزيتتەرى جازىلادى. سودان سوڭ قاتىسۋشىنىڭ قولىنا نە بەرىلەتىنى جازىلادى.

جىلىنا 1 رەت وتكىزىلەتىن وسىنداي دارەجەدەگى ءىس-شارا الدىن الا اقپاراتتىق حاتتاردى تاراتۋمەن ۇيىمداستىرىلادى. اتالمىش شارانىڭ اقپاراتتىق حاتى ءوز كەزەگىندە 30 قىركۇيەكتەن باستاپ بارلىق اۋداندىق، قالالىق ءبىلىم بولىمدەرى مەن مەكتەپتەرگە جىبەرىلدى.دالەل قاعازدارى بار.

 

شاراعا قاتىسۋ ءۇشىن مۇعالىمدەر قاۋىمىنان، انىقتاساق، مۇعالىم باسىنان 15 مىڭ تەڭگەدەن جارنا جينالدى. جانە بىلگەنىمىز، ەكىباستۇز وڭىرىنەن (باسقا ايماقتان كەلگەندەردى ايتپاعاندا) كونفەرەنتسياعا قاتىسپاي، جارنا تولەمەي قالعان مۇعالىم كەمدە-كەم. قاتىسۋ جارناسى نەگە وسىنشاما كوپ، ونداي اقىنى كىم بەلگىلەدى – الدە ءبىلىم جانە عىلىم مينيسترلىگى مە ەكەن؟ ءبىز وسىنى بىلگىمىز كەلەدى. جەرگىلىكتى مۇعالىمدەردىڭ ايتۋىنشا، ءار قاتىسۋشىعا (ون بەس مىڭدى تولەۋشىگە) بەس ءتۇرلى سەرتيفيكات بەرىلەدى دەپ ۋادە ەتىلىپتى. بىراق بەسەۋ تۇرماق بىرەۋىنە دە قولى جەتپەي، اقشاسى دالاعا كەتكەندەر كوپ. ولار كونفەرەنتسياعا قاتىسقان-قاتىسپاعانىن نەمەن دالەلدەيتىنىن بىلمەي دال.

ينەۋ باسشىلىعى تاراپىنان بەكىتىلگەن باعاسى كورسەتىلگەن قۇجات بار.

 

ادەتتە ءمۇيىزى قاراعايداي ۋنيۆەرسيتەتتەر ۇيىمداستىراتىن حالىقارالىق كونفەرەنتسياعا قاتىسۋ جارناسى 5 مىڭ تەڭگەدەن اسپايدى. ويتكەنى مۇعالىمدەردىڭ ميلليونەر ەمەس ەكەنى جالپاق جۇرتقا بەسەنەدەن بەلگىلى.

ءار سەرتيفيكاتتى جەكە شاققاندا 1 سەرتيفيكات قۇنى 3 مىڭنان اسپايدى. ونىڭ ىشىندە حالىقارالىق سەرتيفيكات تا بار.

شاراعا قاتىسقان مۇعالىمدەر مەن وقۋشىلاردىڭ بارلىعى ارنايى جۋرنالعا تىركەلىپ، قاتىسۋشىلار تىزىمىنە سايكەس  بۇيرىق شىعارىلدى (بۇيرىق №1542-04/189, 18.10.2019ج.) شاراعا قاتىسامىن دەپ تىركەۋ جۋرنالىنا (تىركەۋ جۋرنالى مۇعالىمدەرگە جەكە، وقۋشىلارعا جەكە ارنالعان) ەنگىزىلگەن مۇعالىمدەر مەن وقۋشىلاردىڭ بارلىعى بۇيرىققا ەنگىزىلدى. بۇيرىق №1542-04/189, 18.10.2019ج. وسى بۇيرىق نەگىزىندە بارلىق مۇعالىمدەرگە 4 سەرتيفيكاتتان تاراتىلدى. ال  5-ءشى سەرتيفيكات دەپ تۇرعانى – ول جۇمىستاردىڭ ناتىيجەسى بويىنشا سول كۇنى ادىلقازىلار تاراپىنان بەلگىلەنگەن ءى، ءىى، ءىىى دارەجەلى ديپلوم.

شاراعا قاتىسقان مۇعالىمدەر مەن وقۋشىلاردىڭ ماتەريالدارى بويىنشا جيناق شىعارىلدى. جيناق ءوز الدىنا. ايتا كەتەتىن جايت، جيناق بىردەن دايىن بولا المايدى، سەبەبى جينالعان ماتەريالدار تەكسەرىلەدى، تۇزەتىلەدى، باعىتتارى بويىنشا توپتاستىرىلادى.

 

جارنا قاتاڭ تۇردە بانك ارقىلى قابىلدانىپ، سوڭىنان قاتىسۋشىعا مىندەتتى تۇردە العىس حات (نەمەسە سەرتيفيكات) بەرىلەدى.

قاتىسۋشىلاردىڭ بانك ارقىلى تولەنگەن جارنالارى تۋرالى قۇجاتتار (كۆيتانتسيا/چەك جانە چەك نومەرىلەرى جازىلعان ءتىزىم) يننوۆاتسيالىق ەۋرازيا ۋنيۆەرسيتەتىنىڭ  ەسەپ بولىمىنە تاپسىرىلدى.

 

سونىمەن قاتار، قاعاز نەمەسە ەلەكتروندى تۇردە جيناق شىعۋى كەرەك. حالىقارالىق دەپ «ەن» تاعىلعان كونفەرەنتسيادا ونداي جيناق مىندەتتى تۇردە بولۋى كەرەك.

جيناق شىقتى، ەلەكتروندى جانە قاعاز تۇرىندە بار.

سولنەچنىي مەكتەبىنىڭ الدىندا (ىشىندە) ورنالاسقان ۇستەلدە وتىرعان تىركەۋشىلەرگە بەرە سالعان.

قاتىسۋشىلاردىڭ قولدارى  قويىلعان تىركەۋ جۋرنالى بار.

 

ولاي بولسا، ولاردان تۇسكەن اقشانى شارانىڭ باسى-قاسىندا جۇرگەن ءبىلىم ءبولىمى باسشىسىنىڭ «باس اقىلشىسى» ناتاليا نەفەدوۆا (ەكىباستۇز قالاسى اكىمىنىڭ ورىنباسارى), ەكىباستۇز قالالىق ءبىلىم ءبولىمىنىڭ باسشىسى جازيرا حامزاباەۆا جانە يننوۆاتسيالىق ەۋرازيا ۋنيۆەرسيتەتىنە قاراستى پەداگوگ ماماندار بىلىكتىلىگىن ارتتىرۋ ورتالىعىنىڭ ديرەكتورى مايجان شاكارمانوۆا قايدا جىبەردى ەكەن؟ ۇيىمداستىرۋشىلار تىزىمىندە تۇرعان قر كىشى عىلىم اكادەمياسىنىڭ ەنشىسىنە نەشە تەڭگە جۇمسالدى؟

حالىقارالىق فەستيۆالدىڭ ءساتتى وتۋىنە اتسالىسقان وتاندىق عالىمداردى اتاپ وتكىمىز كەلەدى. ولار قر كىشى عىلىم اكادەمياسى بەدەلدى عالىمدارى مەن قىزمەتكەرلەرى. ولارعا ەشقانداي قاراجات بولىنگەن جوق، جىل سايىن بولاتىن حالىقارالىق شارالارعا ءوز ۇلەستەرىن قوسقاندارى بولماسا، اتاپ ايتقاندا، ساتىلاي كەشەندى وقىتۋ تەحنولوگياسىنىڭ اۆتورى ن.ا.ورازاحىنوۆانىڭ تىكەلەي قاتىسۋىمەن مۇعالىمدەر اراسىندا دا، وقۋشىلار اراسىندا دا وليمپيادالار وتكىزىلدى.

ۇيىمداستىرۋشىلاردىڭ ءبىرى رەتىندە اتالعان يننوۆاتسيالىق ەۋرازيا ۋنيۆەرسيتەتىنىڭ رەسمي سايتىنان وسى كونفەرەنتسيا تۋرالى تولىققاندى اقپارات نازارىمىزعا ىلىكپەدى. قايتا ۇيىمداستىرۋشى تاراپ ونى ەل نازارىنا تۇسىرمەۋگە، جىلدام ۇمىتتىرىپ جىبەرۋگە تىرىسقانداي كورىندى...

كاسىبي قوعامداستىق اياسىندا جۇمىس جاساپ جۇرگەن پەداگوگ ماماندار «حالىقارالىق پەداگوگيكالىق يدەيالار فەستيۆالى: ابايدىڭ گۋمانيستىك ويلارى قازاقستاندىق ءبىلىم بەرۋدىڭ نەگىزى رەتىندە» اتتى حالىقارالىق فەستيۆالدىڭ ماڭىزدىلىعىن جوعارى باعالاعان. حالىقارالىق فەستيۆال بارىسىندا تالقىلانعان پەداگوگيكالىق يدەيالار تۋرالى ايماقتىق ءبىلىم بەرۋ كەڭىستىگىندە جاعىمدى پىكىر قالىپتاستى. ماقالالار شىقتى.  مونگوليادان كەلگەن ق.جىلقايداردىڭ جەكە پاراقشاسىندا دا جازىلعان.

http://ineu.kz/anonsy/292-programma-mezhdunarodnogo-festivalja-mezhdunarodnaja-tribuna-pedagogicheskih-idej-gumanisticheskie-idei-abaja-kak-osnova-kazahstanskogo-obrazovanija-posvjaschennyj-175-letiju-velikogo-abaja.html
http://ineu.kz/novosti-i-sobytija/459-v-jekibastuze-dan-start-prazdnichnym-meroprijatijam-posvjaschennym-prazdnovaniju-175-letija-velikogo-pojeta-abaja-kunanbaeva.html
https://m.facebook.com/story.php?story_fbid=2122326514535725&id=100002751919748

تاعى ءبىر بايقاپ قالعانىمىز، وسى ۋنيۆەرسيتەتكە قاراستى پەداگوگ ماماندار بىلىكتىلىگىن ارتتىرۋ ورتالىعىنىڭ ديرەكتورى مايجان شاكارمانوۆا اندا-مىندا جىلتىڭداپ اقىلى سەمينار وتكىزۋگە داعدىلانعان ەكەن...

مۇعالىمدەردىڭ، مەكتەپ باسشىلارىنىڭ، اۋداندىق نەمەسە قالالىق ءبىلىم بولىمدەرىنىڭ سۇرانىسى بويىنشا بىلىكتىلىكتى ارتتىرۋ كۋرسى، سەمينار، ترەنينگتەردى وتكىزۋ – بۇكىل الەمدىك تاجىريبە. ايماقتىق ءبىلىم بەرۋ ۇيىمدارىنىڭ پەداگوگ ماماندارى ءۇشىن دە، شەتەلدىك ارىپتەستەرىمىزدىڭ سۇرانىسى بويىنشا دا اتالمىش كۋرستاردى وتكىزىپ ءجۇرمىز (ماسكەۋ، ستامبۋل، باكۋ، ۋفا). بۇل جۇمىستى ۇيىمداستىرىپ جۇرگەنىمىز  بىرەۋلەرگە باسقاشا كورىنگەنى وكىنىشتى-اق!

 

تەك بىزگە بۇدان بۇرىنعىداي «ءويتتى-ءبۇيتتى» دەگەن سىلدىر سوزبەن جازىلعان جاۋاپ ەمەس، بانك انىقتامالارى، تۇبىرتەكتەر، تىركەۋ جۋرنالى، شىققان جيناقتىڭ فوتوسى، ۇيىمداستىرۋشى تاراپتىڭ جارنانى 15 مىڭ تەڭگە ەتىپ بەلگىلەۋ سەبەبىن ايعاقتايتىن حاتتاما، كەلگەن-كەتكەن قوناقتاردىڭ بيلەتتەرى، اس-سۋىنىڭ شىعىنىنا جۇمسالعان قاراجات انىقتامالارى سياقتى نىق قۇجاتتاردىڭ كوشىرمەلەرى كەرەك! اتالعان قۇجاتتار كوشىرمەسى، ياعني فوتوسۋرەتتەرى كەشە 29.06.2020ج. جىبەرىلدى.

قۇرمەتتى «ادىرنا» پورتالىنىڭ رەداكتسياسى، ينەۋ بجي جۇمىسىن نەگىزسىز ايىپتاپ وتىرسىزدار، اتالمىش ماقالانىڭ مازمۇنىنا بايلانىستى كوپ كەلىسپەۋشىلىكتەرىمىز بار. جازىلعان بارلىق جايتتار نەگىزسىز.

 

ينەۋ، بىلىكتىلىكتى جەتىلدىرۋ ينستيتۋتىنىڭ ديرەكتورى م.پ.شاكارمانوۆا

پىكىرلەر