بىشكەكتىڭ پەرۆوماي اۋداندىق سوتىندا كريمينال اۆتوريتەت ازيز باتۋكاەۆتى زاڭسىز بوساتۋ تۋرالى ىسكە قاتىستى سوت ۇكىمى شىعىپ، قىرعىزستاننىڭ ەكس-پرەزيدەنتى المازبەك اتامباەۆ سوتتالدى،- دەپ حابارلايدى 24.kg.
بۇرىنعى پرەزيدەنت المازبەك اتامباەۆ سوتتا سوڭعى ءسوز سويلەۋدەن باس تارتتى. بۇدان بۇرىن پروكۋرورلار ونىڭ مۇلكى تاركىلەنىپ، 15 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇراعان ەدى
ايتا كەتەيىك، بۇل ءىستى تەرگەۋ 2019 جىلدىڭ قاڭتارىندا قايتا باستالعان بولاتىن.
ريا نوۆوستي مالىمەتىنشە. 2006 جىلى بىشكەك ماڭىنداعى كولونيالاردىڭ بىرىندە جاپپاي تارتىپسىزدىكتەردى ۇيىمداستىرعانى ءۇشىن باتۋكاەۆ 16 جىل 8 ايعا باس بوستاندىعىنان ايىرىلعان. بۇلىك كەزىندە دەپۋتات تىنىعبەك اقماتباەۆ، جازانى اتقارۋ باس باسقارماسىنىڭ باستىعى يكماتۋللا پولوتوۆ جانە پارلامەنتتىڭ ەكى قىزمەتكەرى قازا تاپقان.
2013 جىلى باتۋكاەۆ تۇرمەدەن بوساتىلادى. بىرنەشە ساعاتتان كەيىن ول جاڭا پاسپورت الىپ، ەلدەن كەتەدى. تەرگەۋ مالىمەتى بويىنشا، ونى بوساتۋعا جوعارى لاۋازىمدى شەنەۋنىكتەر، ونىڭ ىشىندە ەلدىڭ ەكس-پرەزيدەنتى اتامباەۆ تا قاتىستى. ولارعا "ۇيىمداسقان قىلمىستىق توپتىڭ مۇددەسى ءۇشىن سىبايلاس جەمقورلىقتى ۇيىمداستىردى" دەگەن ايىپ تاعىلدى.
دەرەككوز: Tengrinews.kz
