Bishkektiń Pervomaı aýdandyq sotynda krımınal avtorıtet Azız Batýkaevty zańsyz bosatý týraly iske qatysty sot úkimi shyǵyp, Qyrǵyzstannyń eks-prezıdenti Almazbek Atambaev sottaldy,- dep habarlaıdy 24.kg.
Burynǵy prezıdent Almazbek Atambaev sotta sońǵy sóz sóıleýden bas tartty. Budan buryn prokýrorlar onyń múlki tárkilenip, 15 jyl merzimge bas bostandyǵynan aıyrý jazasyn taǵaıyndaýdy suraǵan edi
Aıta keteıik, bul isti tergeý 2019 jyldyń qańtarynda qaıta bastalǵan bolatyn.
RIA Novostı málimetinshe. 2006 jyly Bishkek mańyndaǵy kolonııalardyń birinde jappaı tártipsizdikterdi uıymdastyrǵany úshin Batýkaev 16 jyl 8 aıǵa bas bostandyǵynan aıyrylǵan. Búlik kezinde depýtat Tynyǵbek Aqmatbaev, jazany atqarý bas basqarmasynyń bastyǵy Ikmatýlla Polotov jáne parlamenttiń eki qyzmetkeri qaza tapqan.
2013 jyly Batýkaev túrmeden bosatylady. Birneshe saǵattan keıin ol jańa pasport alyp, elden ketedi. Tergeý málimeti boıynsha, ony bosatýǵa joǵary laýazymdy sheneýnikter, onyń ishinde eldiń eks-prezıdenti Atambaev ta qatysty. Olarǵa "uıymdasqan qylmystyq toptyń múddesi úshin sybaılas jemqorlyqty uıymdastyrdy" degen aıyp taǵyldy.
derekkóz: Tengrinews.kz
