توقاەۆ: ەلوردادا ازاماتتارىمىزدىڭ ەرلىگىنە ارنالعان ەسكەرتكىش قويۋىمىز كەرەك

1020

 نۇر-سۇلتاندا قازاقستان پرەزيدەنتى قاسىم-جومارت توقاەۆتىڭ قاتىسۋىمەن  «BIZ BIRGEMIZ» ونلاين فورۋمى وتۋدە.

مەملەكەت باسشىسى كوروناۆيرۋسپەن كۇرەستىڭ الدىڭعى شەبىندە جۇرگەن ازاماتتارعا ريزاشىلىعىن ءبىلدىرىپ، ولارعا "حالىق العىسى" اتتى ارنايى مەدال تابىستاۋدى ۇيعارعانىن ايتتى. اتالعان مەدالمەن 343 ادام ماراپاتتالدى. ولاردىڭ اراسىندا 60 دارىگەر ، 39 پوليتسەي، 30 اسكەري قىزمەتشى، 41 ۆولونتەر، 34 مەتسەنات، 38 مادەنيەت جانە ءبىلىم وكىلدەرى جانە 25 باق قىزمەتكەرى بار.

 "وسى ىندەتتەن قۇتىلعان سوڭ ەلوردامىزدا ازاماتتارىمىزدىڭ ەرلىگىنە ارنالعان ەسكەرتكىش قويۋىمىز كەرەك. بارشا قازاقستان ازاماتىنا اماندىق، يگىلىك تىلەيمىن. ءبىز بۇل قيىندىقتى مىندەتتى تۇردە جەڭەمىز. سەبەبى، ءبىز بىرگەمىز!", - دەدى قاسىم-جومارت توقاەۆ.

"ادىرنا" ۇلتتىق پورتالى

پىكىرلەر
رەداكتسيا تاڭداۋى