شىمكەنت قالاسىنىڭ كەيبىر كوشەلەرىندە جول بەلگىلەرى ەلەكتر باعانالارىنا ورناتىلعان. بۇل تۋرالى جۋرناليست رۇستەم اشەتاەۆ حابارلاپ، سۋرەتتەرىن جەلىگە جاريالادى.
"مىنانداي جول بەلگىلەرىنىڭ "استىنان" پوليتسيا ۇستاپ السا، تولەۋىم قانشالىقتى زاڭدى؟
شىمكەنت قالاسىنىڭ "ستارىي گورود" بازارىن كەسىپ وتەتىن جولدىڭ بويىندا ەلەكتر باعانالارىنا ورناتىلعان جول بەلگىلەرى بار.
مەنىڭ بىلۋىمشە مۇنداي بەلگىلەردى ارنايى مەكەمەلەر تاپسىرىسپەن ءوزىنىڭ ستاندارتىنا ساي، ارنايى باعانالارعا ورناتادى. سول بەلگىلەر زاڭدى بولىپ سانالادى. اكىمشىلىكتىڭ مىنانداي جول بەلگىلەرىنە تاپسىرىس بەرگەنىنە كۇماندىمىن. سوندا، تاپسىرىس بەرۋشىلەر وسىلاي قابىلداپ العان با؟"
مۇنداي (جارىق، ەلەكتىر ت.ب) باعانالارعا ورناتىلعان بەلگىلەردى قالانىڭ باسقادا كوشەلەرىنەن كوپ كەزدەستىرۋگە بولادى. مىسالى، بايدىبەك كوشەسىنىڭ بويىنداعى كوكونىس بازارىنىڭ ماڭىنداعى جارىق باعانالارىنان كەزدەستىرەمىز.
ءبىر پوترۋل ەكيپاجىن توقتاتىپ ءمان-جايدى سۇراپ ەدىم، يىعىن "قيقاڭ ەتكىزىپ" كەتىپ قالدى" - دەدى رۇستەم اشەتاەۆ.
"ادىرنا" ۇلتتىق پورتالى
