كاسىپكەر باۋىرجان وسپانوۆ مالشىلارعا 500 مىڭ تەڭگە تولەۋگە دايىن (ۆيدەو)

1191

بەلگىلى ۇلت جاناشىرى، مەتسەنات باۋىرجان وسپانوۆ ءوزىنىڭ شارۋا قوجالىعىن كورسەتىپ، بارشا ەلدى تاڭعالدىردى دەپ حابارلايدى QazPulse تىلشىسى. ءۇيىر-ءۇيىر جىلقى، وتار-وتار قوي باعۋ كوزدەلگەن كەشەندە ءبارى ەڭ جوعارعى ۇلگىدە، قازىرگى زامانعا ساي جاسالعان.

ماسەلەن، باۋىرجان وسپانوۆتىڭ ايتۋىنشا، قويشىلارعا ارناپ ءالى دە 125 بولەك ءۇي سالىنباق. 20 مىڭ ورىندىق اۋماقتا بۇگىندە 10 مىڭ جىلقى جوڭكىلۋدە. جالاقى كولەمى، باعىلاتىن مال باسىنا قاراي، ورتاشا العاندا جارتى ميلليون تەڭگەنى قۇراماق.

جالپى قوجالىقتا وزىق كەلبەتتەگى كينوتەاتر، كەڭ نامازحانا، مونشا مەن اس بولمەسى، بالالار وينايتىن جەر قاراستىرىلىپ، ساپالى ينتەرنەت بايلانىسى ءۇشىن ءتيىستى مۇنارا ورناتىلعان. ارنايى باعدارلامالىق قامتۋ ارقىلى قۋات ۇنەمدەيتىن تەحنولوگيا ىسكە قوسىلعان.

ايتپاقشى، اتالعان شارۋاشىلىققا مالشى وتباسىلار كەرەك بولىپ جاتىر. قازاقستاننىڭ كەز-كەلگەن ايماعىنان، ۆاحتالىق سيپاتتا ەڭبەك ەتەم دەسەڭىز، 8 747 717 28 28 بايلانىس ءنومىرىن تەرىڭىز.

الماتى وبلىسىنداعى جىلاندى اۋىلىنىڭ تۋماسى باۋىرجان وسپانوۆتىڭ جاقسىلىعى تۋرالى حالىق اراسىندا ايتىلاتىن اڭگىمە كوپ. اۋىل اراسىندا تاقتايداي جول سالعان، قانشاما جۇمىس ورىندارىن قۇرعان  قايىرىمدى ازامات اۋىل بالالارىنىڭ لايىقتى ءبىلىم الۋىنا دا قامقورلىعىن كورسەتۋدە. مىسالعا،  تۋعان اۋىلىنداعى ورتا مەكتەپتى فيزيكا-ماتەماتيكا باعى­تىنداعى مامانداندىرىلعان مەكتەپ-گيمنازياعا اينالدىرعان. بەلگىلى سپورت شەبەرى قانات يسلامعا جاناشىرلىعى مەن عالىم اسقار جۇمادىلداەۆكە مەرەيتويىنا كولىك مىنگىزۋى سياقتى جارقىن ساتتەر دە ەرەكشە ەستە قالدى.

 

 

 

پىكىرلەر
رەداكتسيا تاڭداۋى