يندۋستريا جانە ينفراقۇرىلىمدى دامىتۋ ءمينيسترى بەيبىت اتامقۇلوۆ تۇركيادان قازاقستانعا رەيستەر ماۋسىم ايىندا باستالاتىنىن مالىمدەدى.
«وسى جىلدىڭ 1 مامىرىنان باستاپ ىشكى رەيستەر كەزەڭ-كەزەڭىمەن جۇزەگە اسىرىلۋدا. رەيستەر اپتاسىنا 340 رەيسپەن 44 باعىتتا ورىندالادى. 188 مىڭعا جۋىق اۋە بيلەتتەرى ساتىلدى. حالىقارالىق رەيستەردى دە كەزەڭ-كەزەڭىمەن قالپىنا كەلتىرۋ جوسپارلانعان. وسى جىلدىڭ ماۋسىم ايىندا ءبىز تۇركيا مەن قازاقستان اراسىندا حالىقارالىق رەيستەر اشۋدى جوسپارلاپ وتىرمىز. ءارى قاراي، ەپيدەميولوگيالىق جاعداي جاقسارعان سايىن ءبىز الەمنىڭ باسقا ەلدەرىمەن رەيستەردى قالپىنا كەلتىرۋدى جوسپارلاپ وتىرمىز »، - دەدى ول ۇكىمەت وتىرىسىندا.
اتامقۇلوۆ بۇعان دەيىن ۆەدومستۆوارالىق كوميسسيا وتىرىس وتكىزىپ، وندا 1 ماۋسىمنان باستاپ ءۇش ەلدە: كورەيا، قىتاي جانە ءازىربايجاندا رەيستەردى قالپىنا كەلتىرۋ ماسەلەسىن زەردەلەۋگە شەشىم قابىلدانعانىن ايتقان.
«كەلەسى كەزەڭ: گەرمانيا، ءباا، چەحيا جانە تايلاند. مۇمكىن ءبىز پولشا مەن ۆەنگرياعا رۇقسات الامىز. بۇل ەكىنشى كەزەڭ. 15 ماۋسىمنان كەيىن مەن ءاردايىم ءوزىمنىڭ ارىپتەستەرىممەن بايلانىستامىن، جاقىندا تۇركيانىڭ كولىك مينيسترىمەن سويلەستىم. ولار 20 ماۋسىمدا وزدەرى شەشتى. انتالياعا رەيستەر اشۋعا مۇددەلى، ءبىز جۇمىس ىستەيمىز »، - دەدى مينيستر.
"ادىرنا" ۇلتتىق پورتالى.
