Indýstrııa jáne ınfraqurylymdy damytý mınıstri Beıbit Atamqulov Túrkııadan Qazaqstanǵa reıster maýsym aıynda bastalatynyn málimdedi.
«Osy jyldyń 1 mamyrynan bastap ishki reıster kezeń-kezeńimen júzege asyrylýda. Reıster aptasyna 340 reıspen 44 baǵytta oryndalady. 188 myńǵa jýyq áýe bıletteri satyldy. Halyqaralyq reısterdi de kezeń-kezeńimen qalpyna keltirý josparlanǵan. Osy jyldyń maýsym aıynda biz Túrkııa men Qazaqstan arasynda halyqaralyq reıster ashýdy josparlap otyrmyz. ári qaraı, epıdemıologııalyq jaǵdaı jaqsarǵan saıyn biz álemniń basqa elderimen reısterdi qalpyna keltirýdi josparlap otyrmyz », - dedi ol úkimet otyrysynda.
Atamqulov buǵan deıin vedomstvoaralyq komıssııa otyrys ótkizip, onda 1 maýsymnan bastap úsh elde: Koreıa, Qytaı jáne Ázirbaıjanda reısterdi qalpyna keltirý máselesin zerdeleýge sheshim qabyldanǵanyn aıtqan.
«Kelesi kezeń: Germanııa, BAÁ, Chehııa jáne Taıland. Múmkin biz Polsha men Vengrııaǵa ruqsat alamyz. Bul ekinshi kezeń. 15 maýsymnan keıin men árdaıym ózimniń áriptesterimmen baılanystamyn, jaqynda Túrkııanyń kólik mınıstrimen sóılestim. Olar 20 maýsymda ózderi sheshti. Antalııaǵa reıster ashýǵa múddeli, biz jumys isteımiz », - dedi mınıstr.
"Adyrna" ulttyq portaly.
