شىعىس قازاقستان وبلىسى، زايسان اۋدانى، قاراتال اۋىلىنا قاراستى جىڭىشكەسۋ ەلدى مەكەنىنەن 9-11 عاسىرلارعا جاتاتىن قيماق قاعاناتىنىڭ قالاشىقتارىنىڭ ورنى تابىلدى. ەلىمىزگە بەلگىلى عالىم، شىعىس قازاقستان وبلىسى زايسان اۋدانى شىلىكتى اۋىلىنان قازاقستانداعى ءۇشىنشى "التىن ادامدى" تاپقان ارحەولوگ ابدەش تولەۋباي وسى قيماق قاعاناتىنىڭ قالاسىن انىقتاپ تاپتى دەۋگە تولىق نەگىز بار. جىڭىشكەسۋ ەلدى مەكەنىندە جازىقتاعى ۇلكەندى-كىشىلى تومپەشىكتەر قالالاردىڭ ورىنى دەپ بولجالۋدا. قازىرگى كەزدە وسى مەكەندە قيماق قاعاناتىنا تيەسىلى قىش ىدىستاردىڭ سىنىقشالارى كوپتەپ تابىلۋدا. قۇرىلىسقا پايدالانعان شاقپاق تاستار، مىس ىدىستاردىڭ سىنىقشالارى، مىس پىشاق، مىس ىدىستاردىڭ سىنىقشالارىدا، تاستان ويىلىپ شەبەر جاسالعان اشەكەي بۇيىمنىڭ قالدىقتارىدا تابىلىپ جاتىر. بۇنىڭ بارلىعى قۇم ۇستىندە، تومپەشىكتەر ماڭىنان تابىلىپ وتىر. تاعى ءبىر ايتا كەتەتىنى،بۇل 9-11 عاسىرلار ارالىعىنداعى قيماق قاعاناتى قالاشىعىنىڭ اۋماعى وتە ۇلكەن. وسى ماڭدا قيماق قاعاناتىنىڭ تۇسىندا تۇتىنعان قىش ىدىستاردى جاسايتىن بالشىقتار ءالى بار. اپتا باسىندا كەلىپ كەتكەن ارحەولوگ ءا.تولەۋباي مەملەكەتتىك تاراپتان قارجىلاي قولداۋ تاۋىپ، الداعى ۋاقىتتا تاريحي سەنساتسيا تۋعىزاتىن قيماق قاعاناتىنىڭ قالاشىعىن زەرتتەپ، قازبا جۇمىسىن جۇرگىزۋگە رۇقسات الىپ، قولداۋ تاپپاق. كيەلى شىعىستىڭ "التىن قاقپاسى– زايسان" دەپ اتالۋىدا بەكەر ەمەس. كۇنى بۇگىن وسى ءبىر تاريحي جاڭالىقتىڭ باستاۋى بولار زايسان اۋدانىنىڭ قاراتال اۋىلىنا قاراستى جىڭىشكەسۋ ەلدى مەكەنىنە ارنايى بارىپ ءا.تولەۋبايدىڭ كورسەتكەن ورىنى جازىق دالاداعى 9-11 عاسىرداعى قيماق قاعاناتىنىڭ قالاشىعىنىڭ ورىنىن ارانايى بارىپ، تاريح داۋىرىنە قول تيگىزىپ، شاشىلىپ جاتقان قىش ىدىستىڭ سىناقتارىن ۇستاپ، كوپ زاتتارعا كۋا بولىپ قايتتىق.
ەركەبۇلان زاعىپاروۆ،
جۋرناليست
