قازاقستاننىڭ جوعارعى سوتى "كەربۇلاق اۋداندىق سوتىنىڭ سۋدياسى د.سەيتوۆ سوت ەتيكاسىن بۇزدى" دەپ مالىمدەدى دەپ حابارلايدى "ادىرنا" ۇلتتىق پورتالى zakon.kz.-كە سىلتەمە جاساپ.
سۋديالاردىڭ ادەپ جونىندەگى كوميسسياسى سۋديانىڭ مونشادا بولعان وقيعاسىنا قاتىستى تەكسەرۋ جۇرگىزىپ، ونىڭ ادەپ كودەكسىن بۇزعانىن راستادى.
مامىر ايىنىڭ باسىندا الەۋمەتتىك جەلىدە اراسىندا الماتى وبلىسىنداعى اۋداندىق سوتتىڭ توراعاسى دا بار ساۋنادا دەمالىپ جاتقانداردىڭ اتىشۋلى ۆيدەوسى تاراي باستادى.
"وپگ-شنيكتەر، ءبىز تەك استانا مەن الماتىدا دەمالادى دەپ ويلاماڭىزدار. ءبىز دە سارىوزەكتىڭ قيىرىندا دەمالامىز. (...) ءتىپتى، كولحوزدا تۇرساق تا جاقسىلاپ دەمالۋدى بىلەمىز، - دەيدى ۆيدەو اۆتورى.
ۆيدەودا سوت توراعاسىنان بولەك تاعى ءتورت ەر ادام بار، ونىڭ ءبىرى - پروكۋرور سايان شالعىمباەۆ. ۆيدەو جاريالانعاننان كەيىن ول جۇمىستان بوساتىلدى. ال جوعارعى سوتتىڭ توراعاسى جاقىپ اسانوۆ ىشكى اۋديت جۇرگىزۋ كەزىندە الماتى وبلىسى كەربۇلاق اۋداندىق سوتىنىڭ توراعاسى د.سەيىتوۆتىڭ جۇمىسىن توقتاتتى. سۋديالاردىڭ ادەپ جونىندەگى كوميسسياسى سۋديانىڭ مونشادا بولعان وقيعاسىنا قاتىستى تەكسەرۋ جۇرگىزدى.
كوميسسيا ۇسىنىلعان ماتەريالدارى قاراپ شىقتى. كوميسسيا الماتى وبلىسى كەربۇلاق اۋداندىق سوتىنىڭ توراعاسى د.ز. سەيىتوۆتىڭ سۋديا ادەبى كودەكسىن بۇزعانىن انىقتادى. سەيىتوۆتىڭ ءىسى الماتى وبلىستىق سوتىنىڭ جالپى وتىرىسىنا قاراۋ ءۇشىن جولداندى، دەلىنگەن حابارلامادا.
بۇدان ءارى جوعارعى سوتتاعىلار سۋديالاردىڭ تارتىپتىك جاۋاپكەرشىلىككە قالاي تارتىلاتىنىن جانە جاعىمسىز سەبەپتەرمەن قانداي جاعدايدا جۇمىستان شىعارىلاتىنىن ءتۇسىندىردى. بۇل پروتسەسس بىرنەشە ساتى بويىنشا جۇرەدى.
بىرىنشىدەن، سۋديالاردىڭ ادەپ جونىندەگى كوميسسياسى سوت ەتيكاسىندا قانداي-دا ءبىر زاڭبۇزۋشىلىقتىڭ بار-جوعىن تەكسەرەدى جانە قورىتىندى جاسايدى. ەگەر كوميسسيا ءتارتىپ بۇزۋشىلىقتاردى انىقتاسا، وبلىستىق سوتتىڭ بارلىق سۋديالارىنىڭ قاتىسۋىمەن جالپى وتىرىس وتكىزىلەدى. وندا ولار سۋديانى تارتىپتىك جاۋاپكەرشىلىككە تارتۋ ءۇشىن ماتەريالداردى جوعارعى سوت كەڭەسى جانىنداعى سوت القاسىنا جىبەرۋ ماسەلەسىن جاسىرىن داۋىس بەرۋ ارقىلى شەشەدى.
سونىمەن بىرگە سۋديا سۋديالار القاسىنىڭ جوعارعى سوت كەڭەسىندە تارتىپتىك جاۋاپكەرشىلىككە تارتۋ تۋرالى شەشىمىنە شاعىمدانۋعا قۇقىلى جانە تەك وسىدان كەيىن جوعارعى سوت كەڭەسى تۇپكىلىكتى شەشىم قابىلداۋعا قۇقىلى.
