Qazaqstannyń joǵarǵy soty "Kerbulaq aýdandyq sotynyń sýdıasy D.Seıtov sot etıkasyn buzdy" dep málimdedi dep habarlaıdy "Adyrna" ulttyq portaly zakon.kz.-ke silteme jasap.
Sýdıalardyń ádep jónindegi komıssııasy sýdıanyń monshada bolǵan oqıǵasyna qatysty tekserý júrgizip, onyń ádep kodeksin buzǵanyn rastady.
Mamyr aıynyń basynda áleýmettik jelide arasynda Almaty oblysyndaǵy aýdandyq sottyń tóraǵasy da bar saýnada demalyp jatqandardyń atyshýly vıdeosy taraı bastady.
"OPG-shnıkter, biz tek Astana men Almatyda demalady dep oılamańyzdar. Biz de Saryózektiń qıyrynda demalamyz. (...) Tipti, kolhozda tursaq ta jaqsylap demalýdy bilemiz, - deıdi vıdeo avtory.
Vıdeoda sot tóraǵasynan bólek taǵy tórt er adam bar, onyń biri - prokýror Saıan Shalǵymbaev. Vıdeo jarııalanǵannan keıin ol jumystan bosatyldy. Al Joǵarǵy Sottyń tóraǵasy Jaqyp Asanov ishki aýdıt júrgizý kezinde Almaty oblysy Kerbulaq aýdandyq sotynyń tóraǵasy D.Seıitovtiń jumysyn toqtatty. Sýdıalardyń ádep jónindegi komıssııasy sýdıanyń monshada bolǵan oqıǵasyna qatysty tekserý júrgizdi.
Komıssııa usynylǵan materıaldary qarap shyqty. Komıssııa Almaty oblysy Kerbulaq aýdandyq sotynyń tóraǵasy D.Z. Seıitovtyń sýdıa ádebi kodeksin buzǵanyn anyqtady. Seıitovtiń isi Almaty oblystyq sotynyń jalpy otyrysyna qaraý úshin joldandy, delingen habarlamada.
Budan ári Joǵarǵy Sottaǵylar sýdıalardyń tártiptik jaýapkershilikke qalaı tartylatynyn jáne jaǵymsyz sebeptermen qandaı jaǵdaıda jumystan shyǵarylatynyn túsindirdi. Bul proess birneshe saty boıynsha júredi.
Birinshiden, Sýdıalardyń ádep jónindegi komıssııasy sot etıkasynda qandaı-da bir zańbuzýshylyqtyń bar-joǵyn tekseredi jáne qorytyndy jasaıdy. Eger komıssııa tártip buzýshylyqtardy anyqtasa, oblystyq sottyń barlyq sýdıalarynyń qatysýymen jalpy otyrys ótkiziledi. Onda olar sýdıany tártiptik jaýapkershilikke tartý úshin materıaldardy Joǵarǵy Sot keńesi janyndaǵy Sot alqasyna jiberý máselesin jasyryn daýys berý arqyly sheshedi.
Sonymen birge sýdıa Sýdıalar alqasynyń Joǵarǵy Sot Keńesinde tártiptik jaýapkershilikke tartý týraly sheshimine shaǵymdanýǵa quqyly jáne tek osydan keıin Joǵarǵy Sot Keńesi túpkilikti sheshim qabyldaýǵa quqyly.
