بۇگىن كۇندىزگى ساعات 10:00-دەر شاماسىندا تۇركىستان وبلىسى، سايرام اۋدانى، اقسۋكەنت قالاسىنىڭ رۋستەموۆا كوشەسىندەگى ءۇيدىڭ ارتقى جاعىنداعى جاياۋ جۇرگىنشىلەر كوشەسىنىڭ بويىنا بەلگىسىز ادام جاڭا تۋىلعان ءتىرى نارەستەنى تاستاپ كەتكەن.
قوناقتا وتىرعان ماعان سول ءۇيدىڭ ەگەسى بايقاپ قالىپ، اتالعان جاعدايدى ايتقاننان كەيىن، دەرەۋ سول جەرگە بارىپ نارەستەنى ءوز جايالىعىمەن قىمتاپ، جەدەل جاردەم مەن پوليتسياعا حابار بەرىپ، وقيعا ورنىنان فوتو-ۆيدەو جانە تىكەلەي ەفير ءتۇسىردىم.
تەرگەۋشىگە كۋا رەتىندە بارلىق ءمان-جايدى ءتۇسىندىرىپ بەردىم.
بىراق، جاس بالانىڭ قۇقىعىن ەسكەرەگەندىكتەن، ءارى جەدەل ىزدەستىرۋ توبىنىڭ جۇمىسىنا كەدەرگى كەلتىرمەۋ ماقساتىندا تىكەلەي ەفيرىمدى پاراقشامنان الىپ تاستادىم. سايرام اۋداندىق پوليتسيا باسقارماسى وسى ءىستى سوڭىنا دەيىن جەتكىزىپ، كىنالىلەر ءوز جازاسىن الادى دەپ سەنەمىن. ەشكىمدى كىنالاعىم كەلمەيدى.
تەك...
نارەستەنىڭ ءومىرى ۇزاق بولسىن!
ادام بولىپ تۋىلعان سوڭ، ادام بولىپ قالايىق.
رۇستەم اشەتاەۆ
