گرەكيا تۇركيامەن سوعىسقا دايىن ەكەنىن مالىمدەدى

2893

گرەكيانىڭ ۇلتتىق قورعانىس ءمينيسترى نيكوس پانايوتوپۋلوس گرەكيا ءوزىنىڭ ەگەمەندىك قۇقىعىن قورعاۋ ءۇشىن ارانداتۋشىلىق بولعان جاعدايىندا تۇركياعا قارسى اسكەري ارەكەتتەرگە دايىن ەكەنىن مالىمدەدى، - دەپ حابارلايدى ريا نوۆوستي.

ونىڭ ايتۋىنشا، قورعانىس مينيسترلىگى سوڭعى ۋاقىتتا تۇرىك تاراپىنان ارانداتۋشىلىق سانىنىڭ ارتقانىن بايقاپ وتىر.

"تۇركيانىڭ ءىس-ارەكەتى سوڭعى ۋاقىتتا وتە اگرەسسيۆتى. مەنىڭ ويىمشا، گرەكيا ءۇشىن مۇنداي ارەكەتتەردى جەڭۋدىڭ جالعىز جولى - ءبىر جاعىنان، ءوزىنىڭ بارلىق ديپلوماتيالىق قارۋىن پايدالانۋ، ال ەكىنشى جاعىنان - قارۋلى كۇشتەردى ۇلعايتۋدى قامتاماسىز ەتۋ", - دەدى پانايوتوپۋلوس.

گرەكيا قاقتىعىستى اسكەري كۇشپەن شەشۋگە دايىن با دەگەن سۇراققا پانايوتوپۋلوس: ء"دال وسىلاي!", - دەپ جاۋاپ بەردى. بۇل تۋرالى مۇنىڭ الدىندا پرەمەر-ءمينيستردىڭ كەڭەسشىسى دە ايتقان.

ايتا كەتەيىك، بۇعان دەيىن تۇركيانىڭ ۇكىمەتتىك گازەتىندە مەملەكەتتىك تۇرىك مۇناي كومپانياسىنىڭ گرەتسيا ارالدارىنا جاقىن ماڭداعى كومىرسۋتەكتەرىن زەرتتەۋ مەن وندىرۋگە ليتسەنزيا الۋعا ءوتىنىم جاريالانعان بولاتىن.

گرەكيانىڭ سىرتقى ىستەر ءمينيسترى نيكوس دەندياس تۇركيا گرەكيانىڭ ەگەمەندىك قۇقىعىن تاپتاۋعا تىرىسىپ جاتقانىن جانە گرەك قۇرلىقتىق قايراڭىندا مۇناي مەن گازدى بارلاۋعا ليتسەنزيا بەرۋ - ارانداتۋشىلىق ەكەنىن اتادى. گرەتسيا تۇركيا تاراپىنان بولۋى مۇمكىن ەسكالاتسيا - گرەك-تۇرىك داعدارىسىنا ەمەس، ەۋروپالىق-تۇرىك داعدارىسىنا الىپ كەلەتىنىن مالىمدەدى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket