كارانتيننىڭ كوزگە كورىنبەيتىن پايداسى

699

كارانتيننىڭ كوپشىلىك بايقاي بەرمەيتىن پايدالارى دا بار. ونىڭ العاشقىسى – شەت ەلدەن، اسىرەسە وزبەكستاننان كەلەتىن  جۇمىس كۇشىنىڭ جويىلۋى. ودان قانداي پايدا بار دەگەندەرگە ءتۇسىندىرىپ كەتەيىن.

بۇعان دەيىن شىمكەنت قالاسىندا بەتون قۇيۋدىڭ كۋبىنە 5000-7000 تەڭگە ارالىعىندا تولەنەتىن. اۋىر جۇمىس بىزدەگى جۇمىسشىلاردىڭ كۇنكورىسىنە ازدىق ەتەتىندىكتەن، تەك وزبەكستان مەن تاجىكستاننان كەلگەن جۇمىسشىلاردى جالدايتىن.

گەنپودريادچيكتەن كۋبىنە 20 000 تەڭگە شاماسىندا تولەنىپ وتىراتىن. ورتاداعى سۋبپودريادچيكتەر العان سۋمماسىنىڭ 30%-مەن جۇمىسىن ءبىتىرىپ، وزدەرىنە 60%-ىن قالدىرىپ پايدا تاۋىپ وتىرعان. ونىڭ 30%-ىن تەندەردى ۇتقىزعان "كوكەلەرىنە" بەرگەندە، وزدەرىنە 30-40%-ى تازا پايدا قالىپ وتىرعان.

كارانتين باستالعالى شەتەلدىك ارزان جۇمىسشى كۇشىنىڭ بولماۋىنا بايلانىستى، ەلىمىزدەگى قازەكەڭدەردەن ونداي باعاعا جۇمىس جاسايتىن ادام ىزدەپ، ۇتىپ العان تەندەرلەرىنە ارزان جۇمىسشى تابا الماي، تەندەردىڭ سروگى قىسىپ "ەكى قولدارىمەن باستارىن ۇستاپ" بەزگەك قاعىپ ءجۇر ءبارى.

ساسقاندارىنان بەتون قۇيۋدىڭ باعاسىن كوتەرە-كوتەرە، سۋبپودريادتاردىڭ الدى كۋبىنا 13 000 تەنگەدەن تولەۋگە دەيىن ۋادە بەرىپ شىعا كەلدى. وعاندا ادام تابىلسا قۋانۋدا. ويتكەنى، استانا كەزىندە سالىنعان قۇرلىستاردا ابدەن "لاقتىرىلىپ" اۋىزدارى كۇيگەن قازەكەڭدەر، وزدەرىنىڭ يپ-لارىمەن كەلىسىم-شارت جاساسۋعا ءماجبۇر ەتۋدە. دەمەك، بۇنداي جاعدايدا جۇمىسشىنى لاقتىرۋ  – وتە قاۋىپتى.

"بۇلاقتىڭ باسىنداعى" 20 000 تەڭگەدەن شىققان قارجىنىڭ 60%-ىن جۇمىسشى الاتىن بولسا، 30%-ىن "كوكەسى" الا ما، ءوزى الا ما؟!
30% "كوكەلەردىڭ" وتكاتى قازىر الدىن-الا بەرەتىن بولعاندىقتان، سۋبپودريادچيكتەرگە پايدا تۇسپەۋى دە مۇمكىن. سوندىقتان، ءوز كەلىسىمدەرىن مەرزىمىندە ورىنداي الماي جاتقان توو-لار، كەلىسىم-شارتتارىن بۇزۋعا ءماجبۇر بولىپ جاتىر.

جەكەلەگەن جۇمىسشى توپتار وزدەرىنىڭ يپ-لارى مەن گەنپودريادچيكتەرمەن تىكەلەي كەلىسىمگە كەلىپ، ورتاداعى سۋبتوو-لاردى ىسىرىپ تاستاۋدا. ەندى، 30% دولياسىن الا-الماعان "كوكەلەردىڭ ۇستامالارى ۇستاپ" قالىپ، جۇمىستىڭ ساپاسىنا قاتاڭ شۇيلىگىپ جاتقان سىڭايلى. ەسەسىنە قۇرلىستىڭ ساپاسى ارتۋدا!
قازاق جۇمىسشىلارىنىڭدا تابىسى كوبەيىپ، قارجىلار ۆوليۋتاعا اينالىپ شەتەل اسپاي، ەلىمىزدىڭ ىشكى ەكونوميكامىزدا قالۋدا.
بۇل كارانتيننىڭ پايداسىنىڭ ءبىر عانا مىسالى.

كارانتين باستالعان كەزدەرىندە وسى سالادا جۇمىس ىزدەپ، ءبىراز سۋبپودريادتاردىڭ تابالدىرىقتارىن اتتاعانبىز. سول كەزدەردە بىزدەردىڭ "تيپوۆوي دوگوۆورلارىڭىزبەن، پلان زدانيامەن ۆ ەلەكتروننوم ۆيدە تانىسۋىمىز كەرەك. كەلىسىم-شارتقا وتىرايىق" دەگەن ۇسىنىسىمىزعا جىن كورگەندەي تاڭقالىپ قاراپ: "بىزدە ءبارى اۋىزشا عوي. ونداي نارسە جوق بىزدە", -  دەپ شىعارىپ سالاتىن سۋبپودرياتچيك توو-لار، قازىرگى كۇندەرى "يماندارىنا" كەلىپ قالىپتى. تەك ادام اپارساڭ بولعانى. بارىنە دايىن قازىر!

كارانتين "تەندەرششيكتەرگە" بەس ساۋساقپەن ەمەس، ەكى ساۋساقپەن جەۋدى دە، جۇمىسشىمەن كەلىسىم-شارت جاساسۋعادا ۇيرەتە باستاپتى. بۇل دا بولسا كارانتيننىڭ پايداسى.

قۇرمەتتى اعايىندار! ءدال قازىر 50 ادامدىق جۇمىسشى توبىڭ بولسا، كەز-كەلگەن گەنپودريادچيك فيرمالاردىڭ باستىعىنىڭ ەسىگىن تەۋىپ كىرۋىڭە بولادى.
سوندىقتان، الاياق سۋبپودريادچيكتەرگە الدانىپ قالماس ءۇشىن، باسىنان كەلىسىم-شارتقا وتىرىپ "ەتەك-جەڭدەرىڭدى" قىمتاپ الىپ، سودان سوڭ جۇمىسقا كىرىسۋدى ۇيرەنەتىن ۋاقىتتارىڭىز كەلدى.

 

رۇستەم اشەتاەۆ،

شىمكەنت

 

پىكىرلەر
رەداكتسيا تاڭداۋى