تاريحي سانانىڭ جاڭعىراتىن ءساتى تۋدى

491

سوۆەتتىك ساياساتتىڭ ءبىرى - ۇلتتىڭ بىلىكتى كادرلارىنىڭ كوزىن جويۋ بولاتىن. مۇنىڭ ءبىر دالەلى ف.ي.گولوششەكيننىڭ ستالينگە جازعان حاتىندا: اۋەلى قازاق حالقىنىڭ ينتەلليەگەنتسياسىن قۇرتۋ ماقساتى كوزدەلدى، مۇنان كەيىن جاس بۋىننىڭ تاريحي ساناسىن كەرى بۇرىپ، وڭدى-سولدى ءالىپبي اۋىستىرۋ قامىنا كىرىسكەن بولاتىن. ياعني حح عاسىردا قازاق 3 رەت (توتە، لاتىن، ورىسشا/كيريلل) الفاۆيت اۋىستىردى. مۇنداعى باستى ماقسات، ۇلتتىڭ ماڭدايالدى ينتەلليەگەنتسياسىن ءبىرجولا جويۋ بولاتىن.

بۇل كۇن – حالقىمىز باسىنان وتكەرگەن قاسىرەتتى جىلدار جاڭعىرىعى. وتكەن عاسىردىڭ باسىنداعى توتاليتارلىق جۇيەنىڭ سالدارىنان ەل اشارشىلىققا تاپ بولىپ، ەكى ميلليونعا جۋىق ادام كوز جۇمدى. جۇزدەگەن مىڭ قانداسىمىز تۋعان جەرىن تاستاپ كوشۋگە ءماجبۇر بولدى. ۇلتىمىزدىڭ بەتكەۇستار مارعاسقالارى قاپاستارعا قامالىپ، اتۋ جازاسىنا كەسىلدى. ولاردىڭ جاقىندارى دا قۋدالاۋدان قۇتىلا المادى.
ەندى مىنە، مەملەكەت باسشىسىنىڭ بۇگىنگى ۇندەۋى ءدال ۋاقىتىندا جۇزەگە اسىپ جاتقان جاعدايى بار. ءدال وسى كوميسسيا جەدەل قيمىل جاساپ، اقتاڭداقتاردىڭ اقيقاتىن اشىپ، تاريحي سانانىڭ قايتا تۇلەۋىنە قىزمەت جاساۋى كەرەك.

مەكەمتاس مىرزاحمەتۇلى،
ابايتانۋشى، قازاقستاننىڭ مەملەكەتتىك سىيلىعىنىڭ لاۋرەاتى

پىكىرلەر
رەداكتسيا تاڭداۋى