قوردايداعى وقيعا: قاماۋعا الىنعان كەيبىر كۇدىكتىلەر بوساتىلدى

ءبىز الدىن-الۋ شارالارىن تاڭداۋدا ءارتۇرلى دەڭگەيدە جۇگىندىك. بوستاندىقتا جۇرگەن 12 كۇدىكتىگە قاتىستى كەپىلدىك بەرۋ تۇرىندەگى بۇلتارتپاۋ شاراسى تاڭدالدى. قورداي ايماعىنىڭ تۇرعىندارى اراسىندا وزىنە سەنىم ارتۋى بويىنشا كەيبىرەۋى مىندەتتەمە الىپ، بوساتىلدى. بۇدان بولەك كىناسىن مويىنداۋ، تەرگەۋگە كومەك كورسەتۋ، قىلمىستىڭ ەكىنشى رەتتىك ءرولىن، وتباسىلىق جاعدايىن ەسكەرە وتىرىپ، سەگىز ادام قاماۋدان بوساتىلدى، - دەدى وجاروۆ.

ول 7-8 اقپاندا كورداي اۋدانىنىڭ ءۇش اۋىلىندا 2 مىڭنان استام ادام قاتىسقان جاپپاي تارتىپسىزدىك بولعانىن ەسكە سالدى. ناتيجەسىندە 11 ازامات قايتىس بولدى، 140 ازامات جانە 20 پوليتسيا قىزمەتكەرى ءتۇرلى جاراقاتتار الدى. 164 ءۇي مەن ساۋدا نىساندارى، جۇزدەن استام اۆتوموبيل بۇلىنگەن. 342 ادام زارداپ شەككەن دەپ تانىلدى. ءىس بويىنشا 400-دەن استام ءتۇرلى سوت-مەديتسينالىق ساراپتامالار جۇرگىزىلىپ، 1,5 مىڭنان استام ادامنان سۇراق-جاۋاپ الىندى.

پروكۋروردىڭ ايتۋىنشا، تارتىپسىزدىكتەرگە سەبەپشى جانە وعان بەلسەندى قاتىسۋشىلار ەكى جاقتا دا بولعان. بۇگىنگى تاڭدا بۇل ىسكە 59 ءتۇرلى ۇلت وكىلدەرى قاتىسقانى انىقتالدى، ولاردىڭ ىشىندە قازاقتار مەن دۇنگەندەر دە بار.

"تەرگەۋ ەرەكشە باقىلاۋعا الىندى. ءبىز كىسى ءولتىرۋ، جاپپاي تارتىپسىزدىكتەرگە قاتىسۋ، قۇقىق قورعاۋ ورگاندارىنىڭ قىزمەتكەرلەرىنىڭ ومىرىنە قاۋىپ كەلتىرۋ، ولارعا شابۋىل جاساۋ، ۇرلىق، توناۋ جانە توناۋ فاكتىلەرى بويىنشا 29 قىلمىستىق ءىستى تەرگەپ جاتىرمىز", - دەدى باس پروكۋروراتۋرانىڭ وكىلى.