ۇلتتىق قاۋىپسىزدىك كوميتەتى مەن ىشكى ىستەر مينيسترلىگى بىرلەسە الماتى جانە الماتى وبلىسىندا جۇرگىزىلگەن ارنايى وپەراتسيانىڭ ۆيدەوسىن جاريالادى. وپەراتسيا ناتيجەسىندە ءبىر-بىرىنە قارسى ەكى قىلمىستىق توپ ارەكەتىنىڭ جولى كەسىلدى.
"قىلمىستىق توپقا قاتىسۋشىلاردىڭ بىرنەشە اۋىر جانە اسا اۋىر قىلمىستارعا قاتىسى بار. قىلمىس اتىس قارۋىن قولدانا وتىرىپ، اسا وكتەمدىكپەن جاسالعان", - دەپ حابارلادى ۇلتتىق قاۋىپسىزدىك كوميتەتىنىڭ ءباسپاسوز قىزمەتى.
ەكى توپتىڭ بەلسەندى مۇشەلەرىنىڭ جالپى سانى 30 ادامعا جەتكەن. ولاردىڭ اراسىندا بۇرىن سوتتالعاندار بار، كەيبىرى "ۇرىلار" يدەولوگياسىن ۇستانىپ، ترانسۇلتتىق قىلمىستىق قوعامداستىق جەتەكشىلەرىمەن بايلانىستا بولعان.
توپ قاتىسۋشىلارىنىڭ تۇرعىلىقتى جەرى بويىنشا ءتىنتۋ بارىسىندا قارۋدىڭ 11 ءتۇرى ، 200-دەن ارتىق وق-ءدارى الىندى.
ۇستالعاندار ۋاقىتشا ۇستاۋ يزولياتورلارىنا قامالدى، بۇلتارتپاۋ شاراسىن تاڭداۋ تۋرالى ماسەلە شەشىلۋدە.
