Ulttyq qaýipsizdik komıteti men ishki ister mınıstrligi birlese Almaty jáne Almaty oblysynda júrgizilgen arnaıy operaııanyń vıdeosyn jarııalady. Operaııa nátıjesinde bir-birine qarsy eki qylmystyq top áreketiniń joly kesildi.
"Qylmystyq topqa qatysýshylardyń birneshe aýyr jáne asa aýyr qylmystarǵa qatysy bar. Qylmys atys qarýyn qoldana otyryp, asa óktemdikpen jasalǵan", - dep habarlady ulttyq qaýipsizdik komıtetiniń baspasóz qyzmeti.
Eki toptyń belsendi músheleriniń jalpy sany 30 adamǵa jetken. Olardyń arasynda buryn sottalǵandar bar, keıbiri "urylar" ıdeologııasyn ustanyp, transulttyq qylmystyq qoǵamdastyq jetekshilerimen baılanysta bolǵan.
Top qatysýshylarynyń turǵylyqty jeri boıynsha tintý barysynda qarýdyń 11 túri , 200-den artyq oq-dári alyndy.
Ustalǵandar ýaqytsha ustaý ızolıatorlaryna qamaldy, bultartpaý sharasyn tańdaý týraly másele sheshilýde.
