ەگىستىك ناۋقانىنا دەپ اگروونەركاسىپتىك كەشەنگە 70 ميلليارد تەڭگەگە جۋىق قاراجات ءبولدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى مالىمدەدى، دەپ حابارلايدى zakon.kz.
"اوك سۋبەكتىلەرىن قولداۋ جونىندەگى ءىس-شارالاردى جۇزەگە اسىرۋ ءۇشىن رەسپۋبليكالىق بيۋدجەتتەن 70 ملرد تەڭگە سوماسىندا بيۋدجەتتىك نەسيە ءبولىندى. قارجى تولىعىمەن رەسپۋبليكامىزدىڭ 2,4 مىڭ اۋىلشارۋاشىلىق تاۋار وندىرۋشىلەرىنە بەرىلدى جانە كوكتەمگى دالا جۇمىستارىنا باعىتتالدى", - دەدى ساپارحان وماروۆ.
ول مەملەكەت باسشىسىنىڭ تاپسىرماسىمەن "قاراپايىم زاتتار ەكونوميكاسى" باعدارلاماسى بويىنشا كوكتەمگى دالا جۇمىستارىن جۇرگىزۋگە 100 ميلليارد تەڭگە بولىنگەنىن ەسكە سالدى.
26 مامىرداعى جاعداي بويىنشا 19,1 ملرد تەڭگەگە 331 ءوتىنىم قابىلداندى.
"سونىمەن قاتار، مەملەكەت باسشىسىنىڭ تاپسىرماسىن ورىنداۋ ماقساتىندا اۋىلشارۋاشىلىق ونىمدەرىن فورۆاردتىق ساتىپ الۋ تاسىلىمەن جۇزەگە اسىرۋ جۇمىستارى باستالدى. 24,5 ملرد تەڭگە كولەمىندە قاراجات ءبولىندى. بيداي، ارپا، مايلى داقىلدار جانە قاراقۇمىق ساتىپ الىنادى. قازىرگى ۋاقىتتا 21,5 ميلليارد تەڭگەگە وتىنىمدەر قابىلداندى. كەپىلدىكتەر ەكىنشى دەڭگەيدەگى بانكتەر ءۇشىن دە، الەۋمەتتىك-كاسىپكەرلىك كورپوراتسيالار ءۇشىن دە كەپىل رەتىندە قابىلدانادى", - دەپ ءسوزىن تولىقتىردى مينيستر.
ونىڭ ايتۋىنشا، كوكتەمگى دالا جۇمىستارىن ۋاقتىلى جانە ساپالى ورىنداۋ ءۇشىن جوسپارلانعان جۇمىستاردى وڭتايلى اۋىلشارۋاشىلىق جاعدايىندا اياقتاۋدىڭ العىشارتتارىن قامتاماسىز ەتەتىن بارلىق قولدا بار رەسۋرستار مەن قۇرالدار پايدالانىلادى.
قاراجات تولىقتاي اۋىلشارۋاشىلىق تاۋار وندىرۋشىلەرىنە اۋدارىلدى.
