جامبىل وبلىسىندا شوپاننىڭ ۇيىنەن ەكى ايەلدىڭ باسسىز دەنەلەرى تابىلدى

3387

جامبىل وبلىسىندا 54 جاستاعى شوپان ادام ءولتىردى دەگەن كۇدىككە ءىلىندى. ەكى ايەلدىڭ باسسىز دەنەلەرى تاۋ بوكتەرىندەگى شارۋا قوجالىعىنىڭ بىرىنەن تابىلدى، - دەپ حابارلايدى Tengrinews.kz كتك-عا سىلتەمە جاساپ.

«ۇيدەن 1970, 1982 ج.ت. ەكى ايەلدىڭ ءمايىتى تابىلدى. اتالعان فاكتى بويىنشا سوتقا دەيىنگى تەرگەۋ جۇمىستارى باستالدى. جەدەل-ىزدەستىرۋ ءىس-شارالارى بارىسىندا كۇدىكتى انىقتالىپ، ونى ۇستاۋ شارالارى جۇرگىزىلۋدە»، - دەدى جامبىل وبلىسى بويىنشا پوليتسيا دەپارتامەنتىنىڭ اعا تەرگەۋشىسى ءانۋار كارىپسەيىتوۆ.

پوليتسيا ىسكە كۇدىكتى شوپان قاۋىپتى بولۋى مۇمكىن دەيدى. ونىڭ قايدا ەكەندىگى تۋرالى اقپارات ءۇشىن سىياقى تولەنەدى.

كۇدىكتى  رىسقۇلوۆ اۋدانىنىڭ  تاۋىنىڭ ەتەگىنە شامامەن ەكى اي بۇرىن كەلگەندىگى بەلگىلى بولدى. ول مال باعۋعا جالدانعان. جەرگىلىكتى تۇرعىندار قايتىس بولعانداردىڭ ءبىرى كورشى شارۋاشىلىقتا جۇمىس ىستەگەن دەيدى. ال ءبىر كۇن بۇرىن ول قۇربىسىم بىرگە كۇدىكتى شوپان جۇمىس ىستەيتىن شارۋاشىلىقتا بولعان. كۇدىكتى ەر ادامدى كىسىلەر سوڭعى رەت تەمىرجول ماڭىندا كورگەن. سول جەرگە ول اتتى تاستاپ، بەلگىسىز باعىتقا جاسىرىنعان.

«مەن ولاردى شارۋا قوجالىعىندا ولتىرگەنىن ەستىدىم. ءتىپتى  ەكى ايەلدىڭ باستارى كەسىلگەن.  ول تاۋدان ءتۇسىپ، جولدىڭ جانىنا اتىن تاستاپ، ءبىر جاققا قاشىپ كەتكەن، ونى ەشكىم كورمەگەن. ول وزبەكستاننىڭ تۇرعىنى، مۇمكىن سول جاققا قاشىپ كەتۋى مۇمكىن»، - دەدى ماماي اۋىلىنىڭ تۇرعىنى نۇرلان ابدىقۇلوۆ.

پىكىرلەر
رەداكتسيا تاڭداۋى