"شىعىس" ايماقتىق قولباسشىلىعىنىڭ اسكەري بولىمدەرى مەن قۇرامالارىندا 2019 جىلدىڭ كوكتەمىندە شاقىرىلعان اسكەري قىزمەتشىلەر قىزمەتىنەن بوساتىلادى.
اسكەرگە شاقىرىلۋشىلاردىڭ ءبىرى، تۋعان جەرى بويىنشا نيگەريالىق، بىراق قازىر قازاقستان ازاماتى، ەفرەيتور مايكل مكپو-دجوزەف اسكەري قىزمەتتەن العان اسەرلەرى تۋرالى ايتتى.
«بۇل قىزمەت ماعان جاۋاپكەرشىلىك پەن ءتارتىپتى، ۇلكەن بۋىندى سىيلاۋدى، وتانسۇيگىشتىكتى، ناعىز ەركەك پەن وتان قورعاۋشىنىڭ ماقساتىن ءتۇسىنۋ قاسيەتتەرىن ءسىڭىردى. ەندى ءبىز باسىمىزدى جوعارى ۇستاپ، قاجەتتى ءبىلىم مەن اسكەري شەبەرلىكتى يگەرىپ، رەزەرۆكە بارامىز، بولاشاقتا وتانعا قاجەت بولساق، قازاقستان قارۋلى كۇشتەرىنىڭ قاتارىنا قوسىلامىز»، - دەيدى سارباز.
اسكەريلەردىڭ اسكەري تۋمەن قوشتاسۋ راسىمدەرى كارانتيندىك شارالارعا سايكەس ۇيىمداستىرىلادى: شەرۋ الاڭىندا جەكە قۇرام ءبىر-بىرىنەن قاۋىپسىز قاشىقتىقتا تۇرعىزىلادى. مىندەتتى تۇردە مەديتسينالىق بەتپەردە كيۋ كەرەك.
ءبىر جىل بۇرىن ءار وبلىستان شاقىرىلعان قازاقستاندىقتار اسكەري ىستەردىڭ نەگىزدەرىن ءبىلدى، اسكەري دايىندىق پەن اسكەري ءتارتىپ پاندەرىندە جاقسى ناتيجەلەر كورسەتتى. ولاردىڭ كەيبىرەۋلەرى كەلىسىمشارت نەگىزىندە اسكەردە قىزمەت ەتۋدى جالعاستىرعىسى كەلەدى.
"ادىرنا" ۇلتتىق پورتالى
