اقتوبەدە اسكەري قىزمەتكەرلەر اراسىندا covid-19 وشاعى انىقتالدى

855

اقتوبە وبلىسى بويىنشا سوڭعى تاۋلىكتە 29 دەرەك تىركەلدى. ولاردىڭ كوبى ەكسپرەسس تەست كەزىندە انىقتالدى.

اقتوبەدە پوليتسيا، اسكەريلەر مەن مەديتسينا قىزمەتكەرلەرى ەكسپرەسس تەست تاپسىرعان كەزدە تاعى ءبىر اۋرۋ وشاعى انىقتالدى. سوڭعى تاۋلىكتە ىندەت جۇقتىرعان 29 ادامنىڭ ەكەۋى بۇرىن كارانتينگە جابىلىپ، قايتا اشۋعا دايىندالعان كوپقاباتتى ءۇيدىڭ تۇرعىنى. ال جەتى ادام تەڭىز كەنىشىنەن كەلگەن جۇمىسشى.

«ينفەكتسيامەن كۇرەس جۇمىستارىنا جۇمىلدىرىلعان ادامداردى سكرينينگتەن وتكىزىپ جاتقانىمىز بەلگىلى. سوڭعى دەرەكتەگى بويىنشا 20 ادامنىڭ ءبىر جەردە بولعانى انىقتالدى. اسكەري قىزمەتكەرلەردىڭ ەشقايسىسى ۇيلەرىنە بارماعان. وقشاۋلانعان وشاقتاعى ادامدار ينفەكتسيالىق گوسپيتالگە جەتكىزىلدى»، - دەدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.

ايتا كەتەيىك، اقتوبە وبلىسىندا بارلىعى 213 ادامنان ىندەت انىقتالعان بولسا، ونىڭ 62-ءى ەمدەلدى. اۋرۋحانادا جاتقان 151 ادامنىڭ بىرەۋى جاساندى تىنىس الۋ اپپاراتىنا قوسىلدى. ەم الىپ جاتقانداردىڭ 11-ءى بالا.

 قازاقپارات

پىكىرلەر
رەداكتسيا تاڭداۋى