مينيستر كارانتيندىك شەكتەۋلەردىڭ ەل ەكونوميكاسىنا اسەرىن باياندادى

1268

ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ 2020 جىلعى ەلدەگى قاڭتار-ساۋىردەگى الەۋمەتتىك-ەكونوميكالىق دامۋ قورىتىندىسىن باياندادى.

«2020 جىلعى قاڭتار-ءساۋىر بويىنشا ەلدىڭ ەكونوميكالىق دامۋى تاۋارلار ءوندىرىسى بويىنشا 5,8 پايىزعا ءوستى. سونىمەن قاتار كورسەتىلەتىن قىزمەتتەر 4,8 پايىزعا ازايدى. وسىنىڭ ناتيجەسىندە جالپى ىشكى ءونىم 0,2 پايىزعا تومەندەدى.  جىلدىق ينفلياتسيا - 6,8 پايىز. ءوندىرىس سەكتورىنداعى ءوسۋ - 7 پايىزعا، كەن ءوندىرۋدىڭ ءوسۋى - 6 پايىزعا، قۇرىلىس سالاسى -  5,5 پايىز، اۋىل شارۋاشىلىعىنىڭ 2,2 پايىزعا ءوسۋى بايقالدى»، دەدى رۋسلان دالەنوۆ.

جىل باسىنان بەرى ەلدەگى قىزمەت سەكتورى 4 پايىزعا تومەندەگەن. قىزمەت سالاسىنىڭ تومەندەۋى قابىلدانعان كارانتيندىك شەكتەۋلەرمەن بايلانىستى.

«كولىك سەكتورى 11 پايىزعا، ساۋدا 8,9 پايىز، اكىمشىلىك قىزمەت كورسەتۋلەر 4 پايىز، جىلجىمايتىن مۇلىكتەردە جاسالاتىن وپەراتسيالاردا 2,7 پايىزعا تومەندەدى. بۇل رەتتە بايلانىس قىزمەتتەرى قاڭتار-ساۋىردە 9,6 پايىزعا ارتتى. ەگەر ءساۋىردى جەكە قارايتىن بولساق،  كارانتيندىك اي وتكەن جىلمەن سالىستىرعاندا، كورسەتىلەتىن قىزمەتتەر سالاسى 17,5 پروتسەنتكە  تومەندەدى. اتاپ ايتقاندا ساۋدا جانە كولىك 3,1-گە، اكىمشىلىك قىزمەت كورسەتۋ 22,5 پروتسەنتكە، جانە جىلجىمايتىن مۇلىكتەرمەن جاسالاتىن وپەراتسيالار 9,9 پايىزعا تومەندەدى. بۇل تومەندەۋلەر كارانتيندىك شەكتەۋلەرمەن بايلانىستى»، دەدى مينيستر.

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى