جۇلدىز ءابدىلدا: جۇرت تاپقان اقشاسىنا بالا-شاعاسىن اسىراي ما، الدە اپتا سايىن 10-15 مىڭعا تەست تاپسىرا ما؟

461

ءدال قازىر كوپشىلىكتى مازالاپ وتىرعان سۇراقتار

ەرتەڭ توتەنشە جاعداي (كارانتين ەمەس) توقتايتىن كۇن. جۇمىس باستالادى. بىراق...
مەكتەپ اشىلمايدى. بيىلعى وقۋ جىلىن وسى قاشىقتان وقۋ جۇيەسىمەن اياقتايمىز. ءتىپتى ەمتيحان دا بولمايدى.
بالاباقشالاردىڭ دەنى اشىلمايدى. سوندا جۇمىسقا شىعۋى ءتيىس اتا-انا بالالارىن قايتپەك؟..

استانا مەن الماتىدا حالىقتىڭ بەلگىلى ءبىر بولىگى قالا سىرتىنان قاتىناپ ىستەيدى. ولار دا ەرتەڭ جۇمىستا بولۋى ءتيىس. ويتكەنى قالانىڭ سىرتىندا تۇراتىندارعا قانداي دا ءبىر جەڭىلدىك بار ەكەنى ايتىلعان جوق. ال بلوكپوست جابىق. رۇقسات بەرىلگەنىمەن دە، تەست تاپسىرۋىڭ كەرەك دەيدى. تەستتىڭ جارامدىلىق مەرزىمى – ءبىر اپتا. باعاسى – 10-15 مىڭ تەڭگە. مۇنى اركىم ءوز قالتاسىنان تولەۋى كەرەك (ارنايى تىزىمگە كىرمەگەندەر). بىراق، ول تەستتى تاپسىرعاننان كەيىن ءبىر ساعاتتان كەيىن دە اۋرۋ جۇقتىرىپ الۋىڭ مۇمكىن. سوندا مۇنداي شارتتىلىقتىڭ كەرەگى نە؟ ءارى، جۇرت تاپقان اقشاسىنا بالا-شاعاسىن اسىراي ما، الدە اپتا سايىن 10-15 مىڭعا تەست تاپسىرا ما؟..

مىنە، ساعات ءۇش جارىم بولدى. ەرتەڭ جۇمىس. نە ىستەرىمىزدى بىلمەي، باسىمىز قاتىپ وتىرعان جاي بار. ال مەملەكەتتىك كوميسسيا دا، قالا اكىمدىكتەرىنىڭ شتابى دا ءالى ناقتى ءبىر جاۋاپ بەرمەي وتىر. سونىمەن، ەرتەڭ نە ىستەيمىز؟..

پىكىرلەر
رەداكتسيا تاڭداۋى