جاپونيادا كوروناۆيرۋستى جۇقتىرۋدىڭ جاڭا وقيعالارىنىڭ سانى ازايۋىنا قاراماستان، كارانتين رەجيمى 31 مامىرعا دەيىن ۇزارتىلادى. بۇل تۋرالى Kyodo اگەنتتىگىنە سىلتەمە جاساپ قازاقپارات حابارلايدى.
اگەنتتىك مالىمەتىنشە، جاپونيا پرەمەر-ءمينيسترى سيندزو ابە توتەنشە جاعداي رەجيمىن ۇزارتۋ تۋرالى شەشىمدى رەسمي تۇردە بۇگىن قابىلدايدى. ەلدە مەديتسينالىق كادرلار تاپشى، ال ەكونوميكالىق بەلسەندىلىك تومەندەي تۇسكەن.
«وتكەن اپتادا س.ابە كارانتيننىڭ ۇزارتىلۋىنا قاتىستى ءسوز قوزعاپ، ادامداردىڭ قالىپتى ومىرگە بىردەن ورالمايتىنىن قوسىپ ءوتتى. جۇما كۇنى ۇكىمەتتىك توپ COVID-19-دىڭ جاڭا وقيعالارىنىڭ كوبەيۋىنە جول بەرمەۋ ءۇشىن توتەنشە شارالاردى ۇزارتۋدى كەڭەس ەتتى. جاپونيانىڭ ءتۇرلى پرەفەكتۋرالارىندا كوروناۆيرۋسقا شالدىعۋ فاكتىلەرىنىڭ سانى ءارتۇرلى بولعاندىقتان، ۇكىمەتتىڭ ينفەكتسيا از تارالعان پرەفەكتۋرالاردا كارانتين رەجيمىن السىرەتۋ شەشىمىن قابىلدايتىنى كۇتىلۋدە»، - دەلىنگەن اقپاراتتا.
وسى ارادا، ەلدە ساياباق، كىتاپحانا جانە مۇراجايلاردىڭ جۇمىسىنا سانيتارلىق تالاپتاردى قاتاڭ تۇردە ساقتاۋ شارتىمەن عانا رۇقسات ەتىلمەك. 7 ساۋىردە پرەمەر-مينيستر س.ابە قالالىق اۋداندار – توكيو، وساكا جانە فۋكۋوكانى قامتيتىن جەتى پرەفەكتۋرادا توتەنشە جاعداي جاريالادى. كەيىنىرەك،16 ساۋىردە، تج رەجيمى بۇكىل ەل بويىنشا جاريالاندى.
ۇكىمەت باسشىسى ۆيرۋستىڭ ەل ەكونوميكاسىنا كەلتىرگەن زاردابىنا بايلانىستى جاپونيانىڭ 126 ميلليونعا جۋىق ءار ازاماتىنا 100 000 يەننەن (930 دوللار) بەرۋگە ۋادە ەتتى.
بۇگىندە جاپونيادا كوروناۆيرۋسقا شالدىعۋدىڭ 15 مىڭنان استام وقيعاسى تىركەلدى. قايتىس بولدى 550-گە جۋىق ناۋقاس.
