"ادىرنا" پورتالىنىڭ رەداكتسياسىنا ادىلدىك ىزدەپ كۇيىنگەن مىنا حات شىعىس قازاقستان وبلىسىنان كەلىپتى. تابيعي قورىقتا مەملەكەتتىك ينسپەكتور بولىپ ىستەگەن اكەمە ناقاق جالا جابىلىپ، كىناسىز كۇيىپ وتىر دەگەن حات اۆتورى ەل پرەزيدەنتىنەن كومەك كۇتەدى. تەرگەۋ ءادىل وتسە ەكەن دەيدى. ءاربىر حاتتىڭ سوڭىندا شىرىلداعان تاعدىر بارىن ەسكەرىپ قاز-قالپىندا جاريالاپ وتىرمىز.
رەداكتسيادان
قۇرمەتتى قاسىم-جومارت كەمەلۇلى!!!
مەن امانتايقىزى اقتولقىن، شقو، بۇرىنعى مارقاكول اۋدانىنىڭ تۋماسىمىن. ەلىمىزگە جانە جاھانعا اۋىر ءتيىپ وتىرعان «COVID 19» پاندەمياسىنىڭ تارالۋى سالدارىنان بىرقاتار وزەكتى ماسەلەلەردىڭ تۋىنداپ جاتقانىن تەرەڭ تۇسىنە وتىرىپ، قۇزىرلى ورگانداردىڭ ورەسكەل زاڭ بۇزۋشىلىقتارىنا كۇيىنىپ سىزگە امالسىزدان حات جولداۋعا ءماجبۇرمىن.
مەنىڭ اكەم - قاقانوۆ امانتاي چاكەنوۆيچ مارقاكول مەملەكەتتىك تابيعي قورىعىندا 2002 جىلدان مەملەكەتتىك ينسپەكتور قىزمەتىن اتقاردى. وسى قىزمەتتە اتقارعان جۇمىسى ءۇشىن بىرنەشە رەت العىس حات، قۇرمەت گراموتالارىمەن ماراپاتتالعان. الايدا جۇمىسىنىڭ اۋىرلىعىنان، قورىقتا ينcپەكتورلارعا جۇمىس جاعدايى جاسالماعاندىقتان دەنساۋلىعىنا زيانىن تيگىزبەي قويمادى.
اكەمە 2016 جىلى ارتەريالىق گيپەرتەنزيا (جوعارعى قان قىسىمى) دياگنوزى قويىلىپ، اۋرۋحاناعا تىركەۋگە تۇردى. 2019 جىلى ءساۋىر ايىندا پوداگرا (تۇز بايلانۋ اۋرۋى) انىقتالىپ، ول دا تىركەۋگە الىندى. تۇرعىلىقتى جەرىنىڭ، جۇمىس ورىنىنىڭ بۇل اۋرۋلارعا قولايسىزدىعىنا بايلانىستى، اكە-شەشەمىز قالاعا كوشىپ الۋدى ۇيعاردى. 2019 جىلدىڭ كەزەكتى دەمالاسىن الىپ، كوشەمىز دەگەن شەشىم قابىلدادى.
2019 جىلدىڭ مامىر ايىندا اكەم ممتق ديرەكتورى ايكەنەۆ تيمۋر كاليمجانوۆيچتىڭ بۇيرىعىمەن جىل سايىنعى ۋىلدىرىق شاشۋ كەزەڭىندە كۇزەتتى كۇشەيتۋ ماقساتىندا «توپولەۆكا» ۋچاسكىسىندە 2 اي ارالىعىندا ءوز جۇمىسىن اتقاردى.
وسى كەزەڭدە 26 ماۋسىمدا ينسپەكتورلار نۋرپەيسوۆ باۋىرجان نابيولدانوۆيچ پەن گۋششين ميحايل سەرگەەۆيچتىڭ كۇزەتۋ ايماعى بولعان «دالنىي ستان» ۋچاسكىسىندە كومىلگەن بالىق تابىلىپ، قىلمىستىق ءىس قوزعالدى. وسى قىلمىستىق ىسكە قاتىستى 2019 جىلدىڭ 29 شىلدەسىندە مەملەكەت باسشىسى قاسىم-جومارت توقاەۆ قۇقىق قورعاۋ ورگاندارىنا شقو-نا قاراستى مارقاكول كولىندەگى ۇيىمداسقان قىلمىستىق توپتىڭ ءىس-ارەكەتىن توقتاتۋدى تاپسىردى.
وسى جىلدىڭ تامىز ايىندا اكە-شەشەم وسكەمەن قالاسىنا كوشىپ كەلەدى. وسى ۋاقىتتان باستاپ، جوعارىدا ايتىلعان قىلمىستىق ىسكە بايلانىستى اكەمىز كۋاگەر رەتىندە بىرنەشە رەت شاقىرتىلىپ، جاۋاپ الىنادى. 2019 جىلدىڭ 8 قاراشاسىندا كەزەكتى رەت شاقىرتىلىپ 10 ماۋسىم 2018 جىلى اكەمنىڭ بار جوقتىعى انىقتالماعان، تەرگەۋ امالدارى جاسالىنباعان، دالەلدەمەلەرى ىزدەستىرىلىپ، ونىڭ ىسكە قاتىستىلىعىنىڭ بار جوقتىعى انىقتالماعان ىسپەن اكەمە بالىق رەسۋرستارىن زاڭسىز اۋلادى دەپ 335 باپتىڭ 4 بولىگىمەن قىلمىستىق ءىس قوزعالادى. وسى ىسكە بايلانىستى ادۆوكاتپەن كىرىپ 1 رەت جاۋاپ الىندى جانە 1 رەت كوزبە كوز بەتتەستىرۋ بولدى. 335 باپتىڭ 4 تارماعى بويىنشا قوزعالىپ وتىرعان قىلمىستىق ىستە اكەمە قارسى كۋالىك ەتكەن ەكى ادامنىڭ جاۋابى بار. ول تەرريتوريالىق ينسپەكتسيانىڭ ەكى قىزمەتكەرى،2018 جىلى ولار باسقاشا جاۋاپ قايتارعان، 2019 جىلى پرەزيدەنت تاپسىرماسى بويىنشا جۇرگىزىلگەن تەرگەۋ امالدارى كەزىندە اكەمدى كىنالى دەپ باسقاشا جاۋاپ بەرگەن.
19 جەلتوقسان كۇنى اكەمدى شقو پد تت تەرگەۋشىسى پوليتسيا كاپيتانى بايبولوۆ ە.ر، قاراشادا قوزعالعان ءىس بويىنشا جاۋاپ الامىز دەپ شاقىرتىپ قر پرەزيدەنتى ءوز باقىلاۋىنا الىپ وتىرعان قر قك-ءنىڭ 262 بابى 3 بولىگىمەن كۇدىكتى رەتىندە زاڭسىز، ەشقانداي نەگىزسىز قاماۋعا الادى.
اكەمنەن 262 بابى 3 بولىگى بويىنشا ودان ءبىر دە ءبىر جاۋاپ الىنبادى. بۇل ىسكە قاتىستى اكەمدى كىنالى دەپ تانىيتىنداي ەشقانداي دالەل، ايعاق، فوتو-ۆيدەو ماتەريالدار جوق. 4 ادام قارسى كۋالىك ەتىپ وتىر، ونىڭ بىرەۋى 2019 جىلدىڭ 26 ماۋسىمداعى ىسكە تىكەلەي قاتىستى. تەرگەۋ امالدارى بارىسىندا 2-ۋىمەن بەتتەستىرۋ جۇمىستارى جۇرگىزىلىپ،ولار ءوز سوزدەرىنەن باس تارتتى، ويتكەنى ولاردىڭ ايتىپ وتىرعاندارى جالا. قالعان 2-ۋىمەن تەرگەۋ امالدارىن جاسايىق دەپ بەرگەن ادۆوكاتتاردىڭ ارىزىن، تەرگەۋشىلەر ەشقانداي قاراما قايشىلىق جوق دەپ ارىزدى قاناعاتتاندىرۋسىز تاستادى. ولار دا ءوز سوزدەرىنەن باس تارتاتىندارىن ءبىلدى.
22 جەلتوقسان كۇنى سانكتسيالىق سوت ءوتىپ، سوتتا سوتالدى تەرگەۋ امالدارى جۇرگىزىلگەن ۋاقىتتا اكەمدى 2 ايعا تەرگەۋ يزولياتورىنا قاماۋدى ۇيعاردى.
سول جەلتوقسان ايىنان باستاپ اكەمنىڭ قاماۋىن اي سايىن اي ايعا سوزىپ وتىر. تەرگەۋ امالدارى كەزىندە تەرگەۋگە زيانىن تيگىزبەيدى، دەنساۋلىعى جوق دەپ ءۇي قاماعىن سۇراپ ەدىك، 2 سوتتا تەرگەۋ امالدارى كەزىندە ۇيگە جىبەرۋدەن باس تارتتى. سوڭعى 2 سانكتسيالىق سوتتا تەرگەۋ املدارى ءبىتتى،ىسپەن تانىسۋ كەزىندە ۇيدە بولسىن دەپ ءۇي قاماعىن سۇرادىق، ول سوتتار دا ارىزدارىمىزدى قاناعاتتاندىرۋسىز تاستادى.
وسىعان دەيىن تەرگەۋشى اكەمدى كۋالىككە شاقىرعان سايىن 2013 جىلدان 2018 جىل ارالىعىندا ممتق –نىڭ ديرەكتور قىزمەتىن اتقارعان تەنكەباەۆ قۋانىش زاينولداەۆيچتىڭ قىزمەتى جايلى سۇراقتار قويعان بولاتىن، قورعاۋشىنىڭ ايتۋى بويىنشا 19 جەلتوقساندا دا ءدال وسى سۇراقتار قويىپ، جاساماعان ءىستى مويىنداۋعا شاقىرعان، اكەمنىڭ وسى ديرەكتوردىڭ قىزمەتىندەگى زاڭبۇزۋشىلىق ارەكەتتەرىن كورمەدىم، ءوزىم دە ەشقانداي زاڭبۇزۋشىلىق ارەكەت جاسامادىم دەگەن جاۋاپتان سوڭ قاماۋعا الىنىپ وتىرعاندارى بەلگىلى.
19 قاراشادا 2019 جىلدىڭ 26 ماۋسىمىنداعى كومىلگەن بالىققا قاتىستى قاماۋدا وتىرعان نۋرپەيسوۆ ب.ن پەن گۋششيننىڭ م.س تىكەلەي باسشىسى بولعان بولۋسوۆ بالۋانبەك تۋرسىنبەكوۆيچتىڭ كۋالىگىمەن بۇرىنعى ديرەكتور قاماۋعا الىنىپ وتىر. بۇل كۋانىڭ تۇسىنىگىندە بۇرىنعى ديرەكتورعا ۋىلدىرىق بەرگەنى، بەرۋگە قىسىم كورسەتىپ، بەرمەسە جۇمىستان شىعارۋعا دەيىن باراتىنى ايتىلعان. جانە قاقانوۆ ا.چ مەن تەنكەباەۆ ق.ز جاقىن ادامى دەپ كورسەتىلگەن. بولۋسوۆ ب.ت كۋالىك ەتىپ وتىرعان سوزدەرىنە ەشقانداي دالەل جوق، قر پرەزيدەنتى ءوز باقىلاۋىنا الىپ وتىرعان ۇيىمداسقان قىلمىستىق توپ ىسىندە 2-ءشى ادام بولعاندىقتان،وسىنداي كۋالىك بەرىپ، جەڭىلدىك الۋ ماقساتى بار ەكەندىگى ايدان انىق. تەرگەۋشىلەر ب.ت بولۋسوۆتان ق.ز تەنكەباەۆ جانە باسقا مەملەكەتتىك ينسپەكتورلاردىڭ ءىس ارەكەتتەرى جايلى اقپارات بەرمەسە، قاماۋعا الاتانىن ايتقان، وسىدان كەيىن بولۋسوۆ ب.ت ءوز باسىن امان الىپ قالۋ ءۇشىن ەشقانداي دالەلسىز ايتىلعان سوزدەرمەن، جالا جاۋىپ وتىرعانى دا بەلگىلى.
ۇيىمداسقان قىلمىستىق توپتىڭ ءىس-ارەكەتى توقتاتىلسىن دەپ بەرىلگەن جارلىق 2019 جىلدىڭ 29 شىلدەسىندە جاريالانعان، وسى قىلمىستىق ىسكە قاتىستى 2 كۇدىكتى تامىز ايىندا قاماۋعا الىندى. تەرگەۋشىلەرگە ۇيىمداسقان قىلمىستىق توپ شىعارۋ ءۇشىن الىدە بىرنەشە قىلمىسكەرلەر قاجەت بولدى، ۋاقىتتىڭ ءوتىپ بارا جاتقاندىعىنا جانە بۇل ءىستى ۇيىمداسقان توپ رەتىندە جابۋ قاجەتتىگى تۋىنداعاندىقتان، بەرىلگەن جارلىقتى ابىرويلى اتقارىپ شىعۋ ماقساتىندا، تەرگەۋشىلەر قورىق قىزمەتكەرلەرىن، سول جەردەگى قاراپايىم حالىقتى قورقىتىپ، كۇدەرىن ۇشىرىپ، حالىقتى ءبىر-بىرىنە قايراپ جالعان اقپارات بەرگىزىپ، قورقىتىپ الىنعان جاۋاپتارعا سۇيەنىپ، زاڭدى بەلدەن باسىپ، ەشقانداي دالەلسىز، ىستەمەگەن ىستەرىن مويىنداتۋ ماقساتىندا قاماۋعا الىپ، قورقىتۋعا كوشىپ وتىر. تەرگەۋشىلەردىڭ زاڭسىزدىقتارىنا پروكۋرورلار مەن سوتتاردا قولداۋ كورسەتىپ، كىناسىز ادامداردى قاماۋعا الىپ وتىر.
ءبىز اكەمدى اقتاپ السىن دەپ ەمەس، قۇقىق قورعاۋ ورگاندارى اق قارانى تانىپ، ءادىل شەشىم قابىلداسىن دەپ وتىرمىز. ءىستى ءبىتتى، ءىس ءادىل جۇرگىزىلسىن دەپ جازعان ارىزدارىمىز قاناعاتتاندىرۋسىز قالدى. سوندىقتان پروكۋراتۋرا 262 باپتىڭ 3 تارماعى (ۇيىمداسقان قىلمىستىق توپ) جوق بولعاندىقتان وسى باپتى ىستەن الىپ تاستاۋلارىن سۇرايمىز. سوت ورگاندارى ءىستى ەكى جاقتى قاراپ، ءبىز ۇسىنىپ وتىرعان ماتەريالداردى ۇستانىپ ءادىل شەشىم قابىلداسا ەكەن دەيمىز.
اكەم 262 باپتىڭ 3 تارماعى بويىنشا جازاسىن الاتىن بولسا وسى باپتىڭ بiرiنشi نەمەسە ەكiنشi بولiكتەرiندە كوزدەلگەن، ادام ءوزىنىڭ قىزمەت بابىن پايدالانا وتىرىپ جاساعان ءىس-ارەكەتتەر مۇلكi تاركiلەنiپ، سەگiز جىلدان ون ءۇش جىلعا دەيiنگi مەرزiمگە باس بوستاندىعىنان ايىرۋعا جازالانادى.
بۇل دەگەنىمىز اكەم ءومىر بويى ادال ەڭبەكپەن، تاپقان تايانعانى تاركىلەنىپ، 55 جاسقا جەتكەن كەزدە بالالارىن وقىتىپ، جەتكىزىپ، ءبىر-ءبىر ءۇي قىلىپ، ەندى بالا-شاعاسىنىڭ، نەمەرەلىنىڭ قىزىقتارىن كورەتىن شاعىندا تار قاپاستا وتكىزۋ كەرەك دەگەن ءسوز.
بارلىعى وسى ىستە 5 ادام ءجۇر، ونىڭ 1-ءۋى ممتق-نىڭ بۇرىنعى ديرەكتورى ق.ز تەنكەباەۆ، 3-ءۋى ينسپەكتور، 5-ءشىسى ۋرۋنحايكا اۋىلىندا بالىق ساتىپ الۋمەن، اينالىساتىن، دۇكەندەرى بار كومەرسانتكا.
قازىرگى تاڭدا اكەم وسكەمەن قالالىق تۇزەتۋ مەكەمەسىندە قاماۋدا وتىر.
شىندىققا قول جەتكىزۋ ماقساتىندا شىعىس قازاقستان وبلىسىنىڭ پروكۋرورى ك.ا. يگەمباەۆتىڭ، شىعىس قازاقستان وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى س. ماديەۆتىڭ، جەكە قابىلداۋلارىندا بولدىق. «نۇر وتان» پارتياسىنىڭ شىعىس قازاقستان وبلىسىنداعى فيليليالىنىڭ كومەگىمەن قر ىشكى ىستەر ءمينيسترى پوليتسيا گەنەرال لەيتەنانتى ە. تۇرعىنباەۆ مىرزامەن بەينەسەلەكتور وتكىزىلىپ، اكەمە قاتىستى جاسالىنعان جالا، ياعني تەرگەۋشىلەرمەن جاسالىنعان زاڭ بۇزۋشىلىقتار تۋرالى جەتكىزدىك. بىراق بەرگەن بارلىق تالاپ-تىلەكتەرىمىز قاناعاتتاندىرۋسىز قالدىرىلدى.
شىعىس قازاقستان وبلىسى بويىنشا «ANTIKOR ORTALYGY»-باستىعى ە. جالماگامبەتكە جانە قر باس پروكۋراتۋراسىنا جوعارىدا كورسەتىلگەن زاڭ بۇزۋشىلىقتار بويىنشا حات جولدادىق.
قازىرگى تاڭدا ءىس ءبىتىپ، تانىستىرۋ جۇمىستارى ءجۇرىپ جاتىر. مەن اكەمنىڭ الەۋمەتتىك قورعاۋشىسى رەتىندە 72 تومنان تۇراتىن ىسپەن ەگجەي-تەگجەيلى تانىسىپ، اكەمنىڭ 4 اي بويى قاماۋدا نە ءۇشىن وتىرعانىن مۇلدەم تۇسىنە الار ەمەسپىن. اكەمە تاعىلعان كىنا بويىنشا ەشبىر دالەل، ايعاق اتىمەن جوق.
اسا قۇرمەتتى قاسىمجومارت كەمەلۇلى توقاەۆ!!! تەرگەۋ ورگانداردى ءىستى ءبىتىرىپ، تانىستىرۋ جۇمىستارىن جۇرگىزىپ جاتقاندىقتان ەندى سىزدەن ءوز قۇزىرەتىڭىزدى پايدالانا وتىرىپ، شىعىس قازاقستان پروكۋراتۋراسىنا وسى زاڭ بۇزۋشىلىقتى توقتاتۋعا جانە شىعىس قازاقستان وبلىسىنا قاراستى سوت ورگاندارىنا سوت شەشىمدەرىن وبەكتيۆتى قابىلداۋعا نۇسقاۋ بەرۋىڭىزدى ءوتىنىپ سۇرايمىن.
اكەم - ءومىر بويى الدىنداعى اسىن ادال ەڭبەكپەن تاپقان، قاتارداعى قاراپايىم اۋىل ازاماتىنىڭ ءبىرى. تاربيەلەگەن ۇل-قىزى دا ەل يگىلىگىنە ەڭبەك ەتۋدە. بۇل حاتتا جالعىز ادامنىڭ تاعدىرى ەمەس، سول ادامدى جاقسى تانيتىن، ۇلگى تۇتاتىن، قازاق ەلىندە ادىلدىك بارىنا سەنەتىن تالاي ادامنىڭ ءۇمىتى جاتىر. ءسىز باردا ادىلدىكتىڭ قاراپايىم حالىققا دا تيەسىلى ەكەنىنە سەنىمدىمىز!!!!
حات جولداۋشى امانتايقىزى اقتولقىن
24.04.20 جىل
قاۋلى
2020 جىلعى15 ءساۋىر 6395-20-00-2-3م/883 وسكەمەن قالاسى
شىعىس قازاقستان وبلىسى وسكەمەن قالاسىنىڭ مامانداندىرىلعان تەرگەۋ سوتىنىڭ سۋدياسى ز.ر.رايمحانوۆا،
حاتشىلىقتا - سوت ءماجىلىسىنىڭ حاتشىسى م.تۋردىبەكوۆا،
پروكۋرور ف.قاليدىڭ،
قورعاۋشى-ادۆوكات ق.ا. يسمايلوۆتىڭ،
قاتىسۋلارىمەن ۇيالى تەلەفون بايلانىسى جانە دىبىس-بەينە جازباسى ارقىلىاشىق سوت وتىرىسىندا سدتبت-دە№197464011000001 رەتىمەن ەنگىزىلىگەن،
20.05.1965 جىلى، شىعىس-قازاقستان وبلىسى، كۇرشىم اۋدانى، مارقاكول اۋىلىندا تۋىلعان، ۇلتى قازاق، قازاقستان رەسپۋبليكاسىنىڭ ازاماتى، ارنايى ورتا ءبىلىمدى، جانۇيالى، بۇرىن سوتتى بولماعان، «سەينار» جشس-دە جۇرگىزۋشى بولىپ جۇمىس ىستەيتىن، وۆ-156/1 مەكەمەسىندە كۇزەتپەن ۇستاۋدا، امانتاي چاكەنوۆيچ كاكانوۆقا قاتىستى قىلمىستىق ءىس بويىنشا تت جەتەكشىسى - شقو پد تەرگەۋ باسقارماسىنىڭباسشىسىنىڭ ورىنباسارى ق.م. تاكجانوۆتىڭ، شقو پروكۋرورىنىڭ ورىنباسارى ە.دجۋبانوۆپەن كەلىسىلگەنقىلمىستىق ءىس ماتەريالدارىمەن تانىسۋ كەزەڭىندەكۇدىكتىنىڭ كۇزەتپەن ۇستاۋدا بولۋ مەرزىمىن 1 ء(بىر) ايعا دەيىن سانكتسيالاۋ تۋرالى ءوتىنىشحاتىن قاراپ،
انىقتادى:
ا.چ. كاكانوۆ قازاقستان رەسپۋبليكاسىنىڭ قىلمىستىق كودەكسىنىڭ ء(ارى قاراي - قك) 262-بابىنىڭ 3-بولىگىندەكورسەتىلگەن، ءوزىنىڭ قىزمەت بابىن پايدالانا وتىرىپ، قۇرىلعان ۇيىمداستىرىلعان توبىندا ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ قىلمىستىق قۇقىق بۇزۋشىلىق ارەكەتتەرىن جاساعان دەپ كۇدىكتەنەدى.
ا.چ. كاكانوۆ قق 335-بابىنىڭ 4-بولىگىندە ۋىلدىرىق شاشاتىن جەرلەردە، ءوزىنىڭ قىزمەت بابىن پايدالانا وتىرىپ، ادامدار توبىنىڭ الدىن-الا ءسوز بايلاسۋىمەن، ەرەكشە قورعالاتىن تابيعي اۋماقتا قىلمىستىق توپ جاساعان، بالىق رەسۋرستارىن زاڭسىز الۋقىلمىستىق قۇقىق بۇزۋشىلىق ارەكەتتەرىن جاساعان دەپ كۇدىكتەنەدى.
سونىمەن قاتار،ا.چ. كاكانوۆ قق 196-بابىنىڭ 4-بولىگىندە قاراستىرىلعان، قىلمىستىق توپپەن جاسالعان، كورىنەۋ قىلمىستىق جولمەن تابىلعان مۇلىكتى وتكىزۋقىلمىستىق قۇقىق بۇزۋشىلىق ارەكەتتەرىن جاساعان دەپ كۇدىكتەنەدى.
19.12.2019 جىلىا.چ. كاكانوۆ قك 335-بابىنىڭ 4-بولىگىمەن قىلمىستى جاساعانى ءۇشىن كۇدىكتى رەتىندە تانىلدى.
19.12.2019 جىلى 18 ساعات 00 مينۋتتا ا.چ. كاكانوۆقازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ ء(ارى قاراي - قپك) 128 بابىنا سايكەس ۇستالىندى.
