Bar úmitim Sizde, Toqaev myrza!

3415
Adyrna.kz Telegram

"Adyrna" portalynyń redakııasyna ádildik izdep kúıingen myna hat Shyǵys Qazaqstan oblysynan kelipti. Tabıǵı qoryqta memlekettik ınspektor bolyp istegen ákeme naqaq jala jabylyp, kinásiz kúıip otyr degen hat avtory El prezıdentinen kómek kútedi. Tergeý ádil ótse eken deıdi. Árbir hattyń sońynda shyryldaǵan taǵdyr baryn eskerip qaz-qalpynda jarııalap otyrmyz.

Redakııadan

Qurmetti Qasym-Jomart Kemeluly!!!

Men Amantaıqyzy Aqtolqyn, ShQO, burynǵy Marqakól aýdanynyń týmasymyn. Elimizge jáne jahanǵa aýyr tıip otyrǵan  «COVID 19» pandemııasynyń taralýy saldarynan birqatar ózekti máselelerdiń týyndap jatqanyn tereń túsine otyryp, quzyrly organdardyń óreskel zań buzýshylyqtaryna kúıinip Sizge amalsyzdan hat joldaýǵa májbúrmin.

Meniń ákem - Qaqanov Amantaı Chakenovıch Marqakól memlekettik tabıǵı qoryǵynda 2002 jyldan memlekettik ınspektor qyzmetin atqardy. Osy qyzmette atqarǵan jumysy úshin birneshe ret Alǵys hat, Qurmet gramotalarymen marapattalǵan. Alaıda jumysynyń aýyrlyǵynan, qoryqta ıncpektorlarǵa jumys jaǵdaıy jasalmaǵandyqtan densaýlyǵyna zııanyn tıgizbeı qoımady.

Ákeme 2016 jyly arterııalyq gıpertenzııa (joǵarǵy qan qysymy) dıagnozy qoıylyp, aýrýhanaǵa tirkeýge turdy. 2019 jyly sáýir aıynda podagra (tuz baılaný aýrýy) anyqtalyp, ol da tirkeýge alyndy. Turǵylyqty jeriniń, jumys orynynyń bul aýrýlarǵa qolaısyzdyǵyna baılanysty, áke-sheshemiz qalaǵa kóship alýdy uıǵardy. 2019 jyldyń kezekti demalasyn alyp, kóshemiz degen sheshim qabyldady.

2019 jyldyń mamyr aıynda ákem MMTQ dırektory Aıkenev Tımýr Kalımjanovıchtyń buıryǵymen jyl saıynǵy ýyldyryq  shashý kezeńinde kúzetti kúsheıtý maqsatynda «Topolevka» ýchaskisinde  2 aı aralyǵynda óz jumysyn atqardy.

Osy kezeńde 26 maýsymda ınspektorlar  Nýrpeısov Baýyrjan Nabıoldanovıch pen Gýın Mıhaıl Sergeevıchtiń kúzetý aımaǵy bolǵan «Dalnyı Stan» ýchaskisinde kómilgen balyq tabylyp, qylmystyq is qozǵaldy. Osy qylmystyq iske qatysty 2019 jyldyń 29 shildesinde memleket basshysy Qasym-Jomart Toqaev quqyq qorǵaý organdaryna ShQO-na qarasty Marqakól kólindegi uıymdasqan qylmystyq  toptyń is-áreketin toqtatýdy tapsyrdy.

Osy jyldyń tamyz aıynda áke-sheshem Óskemen qalasyna kóship keledi. Osy ýaqyttan bastap, joǵaryda aıtylǵan qylmystyq iske baılanysty ákemiz kýáger retinde birneshe ret shaqyrtylyp, jaýap alynady. 2019 jyldyń 8 qarashasynda kezekti ret shaqyrtylyp 10 maýsym 2018 jyly ákemniń bar joqtyǵy anyqtalmaǵan, tergeý amaldary jasalynbaǵan, dáleldemeleri izdestirilip, onyń iske qatystylyǵynyń bar joqtyǵy anyqtalmaǵan ispen ákeme balyq resýrstaryn zańsyz aýlady dep 335 baptyń 4 bóligimen qylmystyq is qozǵalady.  Osy iske baılanysty advokatpen kirip 1 ret jaýap alyndy jáne 1 ret kózbe kóz bettestirý boldy. 335 baptyń 4 tarmaǵy boıynsha qozǵalyp otyrǵan qylmystyq iste ákeme qarsy kýálik etken eki adamnyń  jaýaby bar. Ol terrıtorııalyq ınspekııanyń eki qyzmetkeri,2018 jyly olar basqasha jaýap qaıtarǵan, 2019 jyly Prezıdent tapsyrmasy boıynsha júrgizilgen tergeý amaldary kezinde ákemdi kináli dep basqasha jaýap bergen.

19 jeltoqsan kúni ákemdi  ShQO PD TT tergeýshisi polıııa kapıtany Baıbolov E.R, qarashada qozǵalǵan is boıynsha jaýap alamyz dep shaqyrtyp QR prezıdenti óz baqylaýyna alyp otyrǵan QR QK-niń 262 baby 3 bóligimen kúdikti retinde zańsyz, eshqandaı negizsiz qamaýǵa alady.

Ákemnen 262 baby 3 bóligi  boıynsha odan bir de bir jaýap alynbady. Bul iske qatysty ákemdi kináli dep tanyıtyndaı eshqandaı dálel, aıǵaq, foto-vıdeo materıaldar joq. 4 adam qarsy kýálik etip otyr, onyń bireýi 2019 jyldyń 26 maýsymdaǵy iske tikeleı qatysty. Tergeý amaldary barysynda 2-ýimen bettestirý jumystary júrgizilip,olar óz sózderinen bas tartty, óıtkeni olardyń aıtyp otyrǵandary jala. Qalǵan 2-ýimen tergeý amaldaryn jasaıyq dep bergen advokattardyń aryzyn, tergeýshiler eshqandaı qarama qaıshylyq joq dep aryzdy qanaǵattandyrýsyz tastady. Olar da óz sózderinen bas tartatyndaryn bildi.

22 jeltoqsan kúni sankııalyq sot ótip, sotta sotaldy tergeý amaldary júrgizilgen ýaqytta ákemdi 2 aıǵa tergeý ızolıatoryna qamaýdy uıǵardy.

Sol jeltoqsan aıynan bastap ákemniń qamaýyn aı saıyn aı aıǵa sozyp otyr. Tergeý amaldary kezinde tergeýge zııanyn tıgizbeıdi,  densaýlyǵy joq dep úı qamaǵyn surap edik, 2 sotta tergeý amaldary kezinde úıge jiberýden bas tartty. Sońǵy 2 sankııalyq sotta tergeý amldary bitti,ispen tanysý kezinde úıde bolsyn dep úı qamaǵyn suradyq, ol sottar da aryzdarymyzdy qanaǵattandyrýsyz tastady.

Osyǵan deıin tergeýshi ákemdi kýálikke shaqyrǵan saıyn 2013 jyldan 2018 jyl  aralyǵynda MMTQ –nyń dırektor qyzmetin atqarǵan Tenkebaev Qýanysh Zaınoldaevıchtyń qyzmeti jaıly suraqtar qoıǵan bolatyn, qorǵaýshynyń aıtýy boıynsha 19 jeltoqsanda da dál osy suraqtar qoıyp, jasamaǵan isti moıyndaýǵa shaqyrǵan, ákemniń osy dırektordyń qyzmetindegi zańbuzýshylyq áreketterin kórmedim, ózim de eshqandaı zańbuzýshylyq áreket jasamadym degen jaýaptan soń qamaýǵa alynyp otyrǵandary belgili.

19 qarashada 2019 jyldyń 26 maýsymyndaǵy kómilgen balyqqa qatysty qamaýda otyrǵan Nýrpeısov B.N pen Gýınniń  M.S tikeleı basshysy bolǵan Bolýsov Balýanbek Týrsynbekovıchtyń  kýáligimen burynǵy dırektor qamaýǵa alynyp otyr. Bul kýániń túsiniginde burynǵy dırektorǵa  ýyldyryq bergeni, berýge qysym kórsetip, bermese jumystan shyǵarýǵa deıin baratyny aıtylǵan. Jáne Qaqanov A.Ch men Tenkebaev Q.Z jaqyn adamy dep kórsetilgen. Bolýsov B.T kýálik etip otyrǵan sózderine eshqandaı dálel joq, QR prezıdenti óz baqylaýyna alyp otyrǵan uıymdasqan qylmystyq top isinde 2-shi adam bolǵandyqtan,osyndaı kýálik berip, jeńildik alý maqsaty bar ekendigi aıdan anyq. Tergeýshiler B.T Bolýsovtan  Q.Z Tenkebaev jáne basqa memlekettik ınspektorlardyń is áreketteri jaıly aqparat bermese, qamaýǵa alatanyn aıtqan, osydan keıin Bolýsov B.T óz basyn aman alyp qalý úshin eshqandaı dálelsiz aıtylǵan sózdermen, jala jaýyp otyrǵany da belgili.

Uıymdasqan qylmystyq toptyń is-áreketi toqtatylsyn dep berilgen jarlyq 2019 jyldyń 29 shildesinde jarııalanǵan, osy qylmystyq iske qatysty 2 kúdikti tamyz aıynda qamaýǵa alyndy. Tergeýshilerge uıymdasqan qylmystyq top shyǵarý úshin álide birneshe qylmyskerler qajet boldy, ýaqyttyń ótip bara jatqandyǵyna jáne bul isti uıymdasqan top retinde jabý qajettigi týyndaǵandyqtan, berilgen jarlyqty abyroıly atqaryp shyǵý maqsatynda, tergeýshiler qoryq qyzmetkerlerin, sol jerdegi qarapaıym halyqty qorqytyp, kúderin ushyryp, halyqty bir-birine qaırap jalǵan aqparat bergizip,  qorqytyp alynǵan jaýaptarǵa súıenip, zańdy belden basyp, eshqandaı dálelsiz, istemegen isterin moıyndatý maqsatynda qamaýǵa alyp, qorqytýǵa kóship otyr. Tergeýshilerdiń zańsyzdyqtaryna prokýrorlar men sottarda qoldaý kórsetip, kinásiz adamdardy qamaýǵa alyp otyr.

Biz ákemdi aqtap alsyn dep emes, quqyq qorǵaý organdary aq qarany tanyp, ádil sheshim qabyldasyn dep otyrmyz. Isti bitti, is ádil júrgizilsin dep jazǵan aryzdarymyz qanaǵattandyrýsyz qaldy. Sondyqtan prokýratýra 262 baptyń 3 tarmaǵy (uıymdasqan qylmystyq top) joq bolǵandyqtan osy bapty isten alyp tastaýlaryn suraımyz. Sot organdary isti eki jaqty qarap, biz usynyp otyrǵan materıaldardy ustanyp ádil sheshim qabyldasa eken deımiz.

Ákem 262 baptyń 3 tarmaǵy boıynsha jazasyn alatyn bolsa Osy baptyń birinshi nemese ekinshi bólikterinde kózdelgen, adam óziniń qyzmet babyn paıdalana otyryp jasaǵan is-áreketter múlki tárkilenip, segiz jyldan on úsh jylǵa deıingi merzimge bas bostandyǵynan aıyrýǵa jazalanady.

Bul degenimiz ákem ómir boıy adal eńbekpen, tapqan taıanǵany tárkilenip, 55 jasqa jetken kezde balalaryn oqytyp, jetkizip, bir-bir úı qylyp, endi bala-shaǵasynyń, nemereliniń qyzyqtaryn kóretin shaǵynda tar qapasta ótkizý kerek degen sóz.

Barlyǵy osy iste 5 adam júr, onyń 1-ýi MMTQ-nyń burynǵy dırektory Q.Z Tenkebaev, 3-ýi ınspektor, 5-shisi Ýrýnhaıka aýylynda balyq satyp alýmen, aınalysatyn, dúkenderi bar komersantka.

Qazirgi tańda ákem  Óskemen qalalyq túzetý mekemesinde qamaýda otyr.

Shyndyqqa qol jetkizý maqsatynda Shyǵys Qazaqstan oblysynyń Prokýrory K.A. Igembaevtyń, Shyǵys Qazaqstan oblysy Polıııa departamentiniń bastyǵy polıııa polkovnıgi S. Madıevtiń, jeke qabyldaýlarynda boldyq. «Nur Otan» partııasynyń Shyǵys Qazaqstan oblysyndaǵy fılılıalynyń kómegimen QR Ishki ister mınıstri polıııa general leıtenanty E. Turǵynbaev myrzamen beıneselektor ótkizilip, ákeme qatysty jasalynǵan jala, ıaǵnı tergeýshilermen jasalynǵan zań buzýshylyqtar týraly jetkizdik. Biraq bergen barlyq talap-tilekterimiz qanaǵattandyrýsyz qaldyryldy.

Shyǵys Qazaqstan oblysy boıynsha «ANTIKOR ORTALYGY»-bastyǵy E. Jalmagambetke jáne QR Bas Prokýratýrasyna joǵaryda kórsetilgen zań buzýshylyqtar boıynsha hat joldadyq.

Qazirgi tańda is bitip, tanystyrý jumystary  júrip jatyr. Men ákemniń áleýmettik qorǵaýshysy retinde 72 tomnan turatyn ispen egjeı-tegjeıli tanysyp, ákemniń 4  aı boıy qamaýda ne úshin otyrǵanyn múldem túsine alar emespin. Ákeme taǵylǵan kiná boıynsha eshbir dálel, aıǵaq atymen joq.

Asa qurmetti Qasymjomart Kemeluly Toqaev!!! Tergeý organdardy isti bitirip, tanystyrý jumystaryn júrgizip jatqandyqtan endi Sizden óz quziretińizdi paıdalana otyryp, Shyǵys Qazaqstan prokýratýrasyna osy zań buzýshylyqty toqtatýǵa jáne Shyǵys Qazaqstan oblysyna qarasty sot organdaryna sot sheshimderin obektıvti qabyldaýǵa nusqaý berýińizdi ótinip suraımyn.

Ákem - ómir boıy aldyndaǵy asyn adal eńbekpen tapqan, qatardaǵy qarapaıym aýyl azamatynyń biri. Tárbıelegen ul-qyzy da el ıgiligine eńbek etýde. Bul hatta jalǵyz adamnyń taǵdyry emes, sol adamdy jaqsy tanıtyn, úlgi tutatyn, qazaq elinde ádildik baryna senetin talaı adamnyń úmiti jatyr. Siz barda ádildiktiń qarapaıym halyqqa da tıesili ekenine senimdimiz!!!!

Hat joldaýshy     Amantaıqyzy Aqtolqyn

                                                                                  24.04.20 jyl

 

QAÝLY

 

2020 jylǵy15 sáýir         6395-20-00-2-3m/883 Óskemen qalasy

 

Shyǵys Qazaqstan oblysy Óskemen qalasynyń  mamandandyrylǵan tergeý sotynyń sýdıasy Z.R.Raımhanova,

hatshylyqta - sot májilisiniń hatshysy M.Týrdybekova,

prokýror F.Qalıdyń,

qorǵaýshy-advokat Q.A. Ismaılovtyń,

qatysýlarymen uıaly telefon baılanysy jáne dybys-beıne jazbasy arqylyashyq sot otyrysynda SDTBT-de№197464011000001 retimen engiziligen,

20.05.1965 jyly, Shyǵys-Qazaqstan oblysy, Kúrshim aýdany, Marqakól aýylynda týylǵan, ulty qazaq, Qazaqstan Respýblıkasynyń azamaty, arnaıy orta bilimdi, januıaly, buryn sotty bolmaǵan, «Seınar» JShS-de júrgizýshi bolyp jumys isteıtin, OV-156/1 mekemesinde kúzetpen ustaýda, Amantaı Chakenovıch Kakanovqa qatysty qylmystyq is boıynsha TT jetekshisi - ShQO PD tergeý basqarmasynyńbasshysynyń orynbasary Q.M. Takjanovtyń, ShQO prokýrorynyń orynbasary E.Djýbanovpen kelisilgenqylmystyq is materıaldarymen tanysý kezeńindekúdiktiniń kúzetpen ustaýda bolý merzimin 1 (bir) aıǵa deıin sankııalaý týraly ótinishhatyn qarap,

 

ANYQTADY:

 

A.Ch. Kakanov Qazaqstan Respýblıkasynyń qylmystyq kodeksiniń (ári qaraı - QK) 262-babynyń 3-bóligindekórsetilgen, óziniń qyzmet babyn paıdalana otyryp, qurylǵan uıymdastyrylǵan tobynda uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý qylmystyq quqyq buzýshylyq áreketterin jasaǵan dep kúdiktenedi.

A.Ch. Kakanov QQ 335-babynyń 4-bóliginde ýyldyryq shashatyn jerlerde, óziniń qyzmet babyn paıdalana otyryp, adamdar tobynyń aldyn-ala sóz baılasýymen, erekshe qorǵalatyn tabıǵı aýmaqta qylmystyq top jasaǵan, balyq resýrstaryn zańsyz alýqylmystyq quqyq buzýshylyq áreketterin jasaǵan dep kúdiktenedi.

Sonymen qatar,A.Ch. Kakanov QQ 196-babynyń 4-bóliginde qarastyrylǵan, qylmystyq toppen jasalǵan, kórineý qylmystyq jolmen tabylǵan múlikti ótkizýqylmystyq quqyq buzýshylyq áreketterin jasaǵan dep kúdiktenedi.

19.12.2019 jylyA.Ch. Kakanov QK 335-babynyń 4-bóligimen qylmysty jasaǵany úshin kúdikti retinde tanyldy.

19.12.2019 jyly 18 saǵat 00 mınýtta A.Ch. KakanovQazaqstan Respýblıkasynyń Qylmystyq-proestik kodeksiniń (ári qaraı - QPK) 128 babyna sáıkes ustalyndy.

 

 

 

Pikirler