قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، ەلىمىزدەگى 1,6 ميلليوننان استام قارىز الۋشىلاردىڭ قارىز مەرزىمى كەيىنگە شەگەرىلگەن. 246 كاسىپكەر جەڭىلدىكپەن كرەديتتەۋ باعدارلاماسى بويىنشا كرەديت الۋعا ماقۇلداۋدان ءوتىپ، 1,7 ملن ادام الەۋمەتتىك جاردەماقى الۋ ءۇشىن تولەمكارتالارىن جانە كارتوچكالىق شوتتار اشقان.
قر قارجى نارىعىن رەتتەۋ جانە دامىتۋ اگەنتتىگى حالىق پەن بيزنەستى قولداۋ جونىندەگى شارالاردىڭ ورىندالۋ مونيتورينگىن جالعاستىرۋدا.
2020 جىلعى 28 ساۋىردەگى جاعداي بويىنشا ەكىنشى دەڭگەيدەگى بانكتەرگە جانە وزگە دە كرەديتتىك ۇيىمدارعا قارىزدار مەن ميكروكرەديتتەر بويىنشا تولەمدەردى توقتاتا تۇرۋعا 1 844 599 ءوتىنىم كەلىپ ءتۇستى. ونىڭ ىشىندە 1 831 489 جەكە تۇلعا بانكتىك قارىز تولەمدەرى بويىنشا مەرزىمىن كەيىنگە قالدىرۋعا ءوتىنىم بەردى، 13 110 شاعىن جانە ورتا كاسىپكەرلىك سۋبەكتىسى توتەنشە جاعداي كەزەڭىندە كرەديتتەر بويىنشا مەرزىمدى كەيىنگە شەگەرۋگە ءوتىنىم بەرۋ ءۇشىن كرەديتتىك ۇيىمدارعا جۇگىندى.
1 661 232 جەكە تۇلعا 237,4 ملرد تەڭگە سوماعا نەمەسە بارلىق قارىز الۋشىنىڭ 31,3%-ى تولەمدەردى توقتاتا تۇرۋعا ماقۇلداۋ الدى. ونىڭ ىشىندە 299 363 – حالىقتىڭ الەۋمەتتىك جاعىنان وسال توپتارىنىڭ وكىلدەرى.
سونىمەن بىرگە 11 561 شاعىن جانە ورتا كاسىپكەرلىك سۋبەكتىسى 138,8 ملرد تەڭگە سوماعا نەمەسە كاسىپكەرلەردىڭ جالپى سانىنان 44,1%-ى مەرزىمىن كەيىنگە شەگەردى.
قالعان وتىنىمدەر قارالىپ جاتىر، 10 جۇمىس كۇنى ىشىندە ولار بويىنشا ءتيىستى شەشىمدەر قابىلدانادى. بۇگىنگى كۇنى شامامەن 5,3 ملن ازاماتتىڭ 4,4 ترلن تەڭگە سوماعا جانە 26,2 مىڭعا جۋىق شاعىن جانە ورتا كاسىپكەرلىك سۋبەكتىسىنىڭ 3,9 ترلن تەڭگە سوماعا بانكتىك قارىزدار جانە ميكروكرەديتتەر بويىنشا بەرەشەگى بار.
كاسىپكەرلەردى جەڭىلدىكپەن كرەديتتەۋ باعدارلاماسى شەڭبەرىندە قاراجاتتىڭ يگەرىلۋىن مونيتورينگتەۋ
ەكىنشى دەڭگەيدەگى بانكرگە سايكەس، شاعىن جانە ورتا بيزنەس سۋبەكتىلەرى جانە دارا كاسىپكەرلەر كرەديت الۋ ءۇشىن 274,8 ملرد تەڭگە سوماعا 1 313 ءوتىنىم
بەردى. ونىڭ ىشىندە 62,5 ملرد تەڭگە سوماعا 246 قارىز ماقۇلدانعان.
ەكىنشى دەڭگەيدەگى بانكتەردە جانە «قازپوچتا» اق-تا تولەم كارتوچكالارىن الۋ
الەۋمەتتىك جاردەماقى الۋ ءۇشىن 1,7 ملن ادام تولەم كارتوچكاسىن جانە كارتوچكالىق شوت اشقان. قازاقستان رەسپۋبليكاسىنىڭ پرەزيدەنتى ق.ك. توقاەۆتىڭ مەملەكەتتىك كوميسسيانىڭ 2020 جىلعى 10 ساۋىردەگى وتىرىسىندا بەرگەن تاپسىرماسى شەڭبەرىندە قر قارجى نارىعىن رەتتەۋ جانە دامىتۋ اگەنتتىگى ەكىنشى دەڭگەيدەگى بانكتەرمەن تولەم كارتوچكالارىن بانكتەردىڭ بولىمشەلەرىنە بارماي-اق قاشىقتان الۋ الگوريتمىن دايىندادى.
بۇگىنگى كۇنى 1 013 558 ازامات قاشىقتان كارتوچكالىق شوت جانە تولەم كارتوچكاسىناشقان جانە ولار شامامەن 700 مىڭداي كليەنتتىڭ ۇيىنە جەتكىزىلىپ بەرىلگەن. توتەنشە جاعداي ەنگىزىلگەننەن بەرى «قازاقستاننىڭ حالىق بانكى» اق قاشىقتان 564 615, Kaspi Bank – 358 884, Forte Bank اق – 26 745, «بانك تسە نتر كرەديت» اق - 25 258 تولەم
كارتوچكاسىن اشقان. «قازپوچتا» اق 88 397 تولەم كارتوچكاسۇيگە جەتكىزىپ بەرگەن.
"ادىرنا" ۇلتتىق پورتالى.
