وڭتۇستىكتە 250 مىڭ توننا كاپۋستا ءپىسىپ تۇر. ديحانشىلار قازىر كوكىنىستىڭ كەلىسىن 10 تەڭگەگە وتكىزە الماي وتىر دەسەدى. مەن 2-3 اپتا بۇرىن جاڭا پىسكەن قىرىققاباتتىڭ بىرەۋىن 500 تەڭگەگە ساتىپ الدىم. ءبىر عانا وڭتۇستىك ءوڭىردىڭ كۇللى قازاقستاندى جەمىس-جيدەك، كوكىنىسپەن قامتۋعا شاماسى بار. جەرى قۇنارلى، اۋا-رايى قولايلى، حالقى ەڭبەكقور. مەملەكەتتەن ۇنەمى قايىر سۇراۋعا ارلانبايتىن فوربس-تىڭ وليگارحتارىنا اقشا ۇلەستىرگەنشە دەيمىن دە، ينۆەستيتسيانى وڭتۇستىكتىڭ اۋىلشارۋاشىلىق سالاسىنا قۇيساشى. "2 ەمەس 5 قوياندى ءبىر وقپەن اتۋعا" بولۋشى ەدى. "ەكى قولعا ءبىر كۇرەك ىزدەپ" ءار وڭىردە سابىلىپ جۇرەتىن وڭتۇستىكتەگى اعايىن جۇمىسپەن قامتىلادى - ءبىر، بيۋدجەتتەن جاردەم الۋشىلار سانى ازايادى - ەكى، قىتايدان تاسىمالداناتىن ساپاسى كۇماندى كوكىنىس رىنوكتان وزدىگىنەن جوعالادى - ءۇش، وتاندىق ونىممەن ىشكى سۇرانىستى وتەۋگە مۇمكىندىك جولى اشىلادى - ءتورت، ايماقتىڭ الەۋمەتتىك-ەكونوميكالىق احۋالى جاقسارادى - 5.
ۇكىمەتتە وڭتۇستىك ايماقتىق اگروكەشەنىن دامىتۋعا ارنالعان "رازۆەرنۋتىي" مىقتى باعدارلاما قابىلدانسا، ونىڭ ىسكە اسىرىلۋىن تياناقتى قاداعالاسا جانە جاقسىلاپ اقشا قۇيىلسا بولدى ەمەس پە؟! بيلىكتە قونجيىپ العان بيۋدجەتتىك بيزنەسمەندەر مەن ەكونوميكالىق سەكتورعا جاۋاپتى وڭشەڭ "كابينەتنىي شەلپەكبايلار" قاشان ورىندارىن بوساتار ەكەن؟ القاپتاردا ديحانشىلارمەن قوسا جانىپ-كۇيىپ جۇرەتىن ناعىز ىسكەر مەنەدجەرلەر "كوبىك اۋىز" ۇكىمەتتىڭ كولەڭكەسىندە قالىپ كەتەر مە ەكەن، ءا؟!
دينا ەلگەزەك: ءبىر عانا وڭتۇستىك ءوڭىردىڭ كۇللى قازاقستاندى كوكىنىسپەن قامتۋعا شاماسى بار
29.04.2020
2699
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз