Ońtústikte 250 myń tonna kapýsta pisip tur. Dıhanshylar qazir kókinistiń kelisin 10 teńgege ótkize almaı otyr desedi. Men 2-3 apta buryn jańa pisken qyryqqabattyń bireýin 500 teńgege satyp aldym. Bir ǵana Ońtústik óńirdiń kúlli Qazaqstandy jemis-jıdek, kókinispen qamtýǵa shamasy bar. Jeri qunarly, aýa-raıy qolaıly, halqy eńbekqor. Memleketten únemi qaıyr suraýǵa arlanbaıtyn FORBS-tyń olıgarhtaryna aqsha úlestirgenshe deımin de, ınvestıııany Ońtústiktiń aýylsharýashylyq salasyna quısashy. "2 emes 5 qoıandy bir oqpen atýǵa" bolýshy edi. "Eki qolǵa bir kúrek izdep" ár óńirde sabylyp júretin ońtústiktegi aǵaıyn jumyspen qamtylady - bir, bıýdjetten járdem alýshylar sany azaıady - eki, qytaıdan tasymaldanatyn sapasy kúmándi kókinis rynoktan ózdiginen joǵalady - úsh, otandyq ónimmen ishki suranysty óteýge múmkindik joly ashylady - tórt, aımaqtyń áleýmettik-ekonomıkalyq ahýaly jaqsarady - 5.
Úkimette Ońtústik aımaqtyq agrokeshenin damytýǵa arnalǵan "razvernýtyı" myqty baǵdarlama qabyldansa, onyń iske asyrylýyn tııanaqty qadaǵalasa jáne jaqsylap aqsha quıylsa boldy emes pe?! Bılikte qonjıyp alǵan bıýdjettik bıznesmender men ekonomıkalyq sektorǵa jaýapty óńsheń "kabınetnyı Shelpekbaılar" qashan oryndaryn bosatar eken? Alqaptarda dıhanshylarmen qosa janyp-kúıip júretin naǵyz isker menedjerler "kóbik aýyz" Úkimettiń kóleńkesinde qalyp keter me eken, á?!
DINA ELGEZEK: Bir ǵana Ońtústik óńirdiń kúlli Qazaqstandy kókinispen qamtýǵa shamasy bar
29.04.2020
2950
Pikirler
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз