يسپانيادا COVID-19-دان 331 ادام قايتىس بولدى، بۇل الدىڭعى كۇنمەن سالىستىرعاندا 43 ادامعا كوپ. "ەۋرونيۋستىڭ" حابارلاۋىنشا، ەپيدەميا باستالعاننان بەرى قايتىس بولعانداردىڭ جالپى سانى 23 500-ءدى قۇراپ، 209 مىڭنان استام ادام اۋرۋ جۇقتىرعان. دەنساۋلىق ساقتاۋ مينيسترلىگىنىڭ مالىمەتى بويىنشا، ءجۇز مىڭنان استام ناۋقاس جاڭا كوروناۆيرۋس تۋدىرعان اۋرۋدان ايىققان.
يسپانيانىڭ دەنساۋلىق ساقتاۋ مينيسترلىگىنىڭ وكىلى فەرناندو سيموننىڭ ايتۋىنشا كوروناۆيرۋستىڭ جاڭا تۇرىنەن تىركەلگەندەر از. « بىرنەشە كۇننىڭ ىشىندە 300-دەن از ادام قايتىس بولعان بولسا، وكىنىشكە وراي، سوڭعى جيىرما ءتورت ساعات ىشىندە 331 ناۋقاس قايتىس بولدى. بۇل وتە وكىنىشتى ستاتيستيكا، بىراق كوروناۆيرۋستىڭ جاڭا تۇرىمەن اۋىرىپ تىركەلگەندەر از. بۇل جاعداي بىزگە ءۇمىت بەرەدى ».
يسپانيادا كوروناۆيرۋستىڭ العاشقى جاعدايى 31 قاڭتاردا انىقتالدى. ناۋرىزدىڭ ورتاسىنان باستاپ مەملەكەت ۇلكەن دايىندىققا كىرىستى. بۇل شارا بيلىككە بۇكىل ەل بويىنشا تۇرعىنداردىڭ قوزعالىسىن شەكتەۋگە مۇمكىندىك بەردى. دۇيسەنبىدەن باستاپ بيلىك شەكتەۋ شارالارىن جەڭىلدەتتى. اتاپ ايتقاندا، بالالار ەندى ەرەسەكتەرمەن بىرگە سەرۋەندەۋگە بارا الادى. سەيسەنبىدە مينيسترلەر كەڭەسىنىڭ كەلەسى وتىرىسىندا كارانتيندى كەزەڭ-كەزەڭمەن الىپ تاستاۋ جوسپارى بەكىتىلەدى.
وڭعار قابدەن،
"ادىرنا" ۇلتتىق پورتالى
