Ispanııada COVID-19-dan 331 adam qaıtys boldy, bul aldyńǵy kúnmen salystyrǵanda 43 adamǵa kóp. "Eýronıýstiń" habarlaýynsha, epıdemııa bastalǵannan beri qaıtys bolǵandardyń jalpy sany 23 500-di qurap, 209 myńnan astam adam aýrý juqtyrǵan. Densaýlyq saqtaý mınıstrliginiń málimeti boıynsha, júz myńnan astam naýqas jańa koronavırýs týdyrǵan aýrýdan aıyqqan.
Ispanııanyń Densaýlyq saqtaý mınıstrliginiń ókili Fernando Sımonnyń aıtýynsha koronavırýstyń jańa túrinen tirkelgender az. « Birneshe kúnniń ishinde 300-den az adam qaıtys bolǵan bolsa, ókinishke oraı, sońǵy jıyrma tórt saǵat ishinde 331 naýqas qaıtys boldy. Bul óte ókinishti statıstıka, biraq koronavırýstyń jańa túrimen aýyryp tirkelgender az. Bul jaǵdaı bizge úmit beredi ».
Ispanııada koronavırýstyń alǵashqy jaǵdaıy 31 qańtarda anyqtaldy. Naýryzdyń ortasynan bastap memleket úlken daıyndyqqa kiristi. Bul shara bılikke búkil el boıynsha turǵyndardyń qozǵalysyn shekteýge múmkindik berdi. Dúısenbiden bastap bılik shekteý sharalaryn jeńildetti. Atap aıtqanda, balalar endi eresektermen birge serýendeýge bara alady. Seısenbide Mınıstrler Keńesiniń kelesi otyrysynda karantındi kezeń-kezeńmen alyp tastaý jospary bekitiledi.
Ońǵar Qabden,
"Adyrna" ulttyq portaly
