شىمكەنت قالاسىنىڭ اكىمى مۇرات ايتەنوۆ كوروناۆيرۋس ينفەكتسياسىنىڭ تارالۋىن الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا قاراستىرىلعان قوسىمشا كارانتيندىك توسەك ورىنداردىڭ دايىندىعىمەن تانىستى.
قوسىمشا كارانتيندىك ورىندار قالاداعى وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنە قاراستى №4, 5 جاتاقحاناسىندا دايىندالعان. №5 جاتاقحانا «نۇرسات» شاعىناۋدانىندا، ال №4 جاتاقحانا «وتىرار» شاعىناۋدانىندا ورنالاسقان.
قالا اكىمى جاتاقحانالارداعى مەديتسينالىق بەكەتتەردىڭ جابدىقتالۋى مەن تۇرمىستىق جاعدايلارىنىڭ مۇمكىندىگىمەن تانىستى. ايتا كەتەيىك، №5 جاتاقحانا 240 ورىنعا جانە №4 جاتاقحانادا 350 ورىنعا لايىقتالعان. بۇل ەكى جاتاقحانا دا مەملەكەتتىك جەكەمەنشىك ارىپتەستىك اياسىندا سالىنعان. وندا تۇراقتاۋشىلارعا ارناپ لايىقتى جاعداي جاسالعان.
كارانتيندىك ستانتسيونارعا كوروناۆيرۋس ينفەكتسياسىنىڭ تارالۋىن الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا باسقا وڭىرلەردەر جۇمىستان قايتقان قىزمەتكەرلەر مەن شەتەلدەن كەلگەن ازاماتتار جاتقىزىلادى.
ولار مەديتسينالىق ۇيىمدا دارىگەرلەردىڭ قاتاڭ باقىلاۋىندا بولىپ، ورتالىق ماماندارى كوروناۆيرۋس ينفەكتسياسى بويىنشا جۇمىسشىلاردان اناليز سىنامالارىن الادى. ەكى كۇندىك مەديتسينالىق باقىلاۋدان كەيىن جۇمىسشىلاردىڭ اناليز سىنامالارى تەرىس ناتيجە كورسەتسە، سەرىكتەستىك جۇمىسشىلارى كارانتيندىك ستاتسيوناردان ءۇي كارانتينىنە جىبەرىلەدى. ون ەكى كۇن بويى ءۇي كارانتينىندە سەرىكتەستىك جۇمىسشىلارى جەرگىلىكتى ەمحاناداعى مەديتسينا ماماندارىنىڭ باقىلاۋىندا بولادى.
قازىرگى تاڭدا شىمكەنت قالالىق يجۇقپالى اۋرۋلار اۋرۋحاناسىنان باسقا تاعى 2 پريۆيزورلىق ورتالىق بار. «اتامەكەن» وڭالتاۋ ورتالىعى 380 توسەكورىندىق. ال، «مەيىرىم» وڭالتۋ ورتالىعى 170 توسەك ورىنعا لايىقتالعان. 2-ءشى رەابيليتاتسيالىق ورتالىقتا 110 توسەك ورىن بار
ەندى بۇعان قوس جاتاقحانا بازاسىندا جاساقتالعان 590 ورىن قوسىلدى.
قازىرگى تاڭدا قالا بويىنشا 534 ادام كارانتيندىك جانە پروۆيزورلىق توسەكورىندا جاتىر. 670 ادام ءۇي كارانتينىندە وتىر. بارلىعى قاتاڭ دارىگەرلەردىڭ باقىلاۋىنا الىنعان، قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل بەكباۋوۆا.
كارانتيندىك ورتالىقتى كورىپ شىققان قالا اكىمى مۇرات ايتەنوۆ ىندەتتىڭ تارالۋىن الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ باعىتىندا اتقارىلىپ جاتقان جۇمىستارعا وڭ باعا بەرىپ، جوسپارلى جۇمىستاردى بارىنشا جۇيەلەۋدى تاپسىردى.
شىمكەت
