قازاقستان قىتاي ەلشىسىنە نارازىلىق ءبىلدىردى

3771
Adyrna.kz Telegram

فوتو: سىرتقى ىستەر مينيسترلىگىنىڭ ءباسپاسوز قىزمەتى

قازاقستان قىتايلىق سايتتا جاريالانعان ماقالاعا نارازىلىق ءبىلدىردى، - دەپ حابارلايدى "ادىرنا" ءتىلشىسى سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

ءباسپاسوز قىزحمەتىنىڭ ايتۋىنشا، سىرتقى ىستەر مينيسترلىگىندە قىتايدىڭ قر-داعى ەلشىسى چجان سياومەن كەزدەسۋ ءوتىپ،  قازاقستان جاعى قىتايلىق www.sohu.com سايتىنداعى "قازاقستان نەگە قىتايعا ورالۋعا تىرىسادى" اتتى ماقالاعا قاتىستى نارازىلىق بىلدىرگەن.

"قىتاي ەلشىسىنە مۇنداي سيپاتتاعى ماقالانىڭ جاريالانۋى 2019 جىلعى 11 قىركۇيەكتە مەملەكەت باسشىلارى قول قويعان قازاقستان رەسپۋبليكاسى مەن قىتاي حالىق رەسپۋبليكاسىنىڭ بىرلەسكەن مالىمدەمەسىندە ايقىندالعان ماڭگىلىك جان-جاقتى ستراتەگيالىق ارىپتەستىك رۋحىنا سايكەس كەلمەيتىنى اتاپ ءوتىلدى. تاراپتار اقپارات تاراتۋ جانە باق سالاسىندا تىعىز ءوزارا ىقپالداسۋعا كەلىستى", - دەيدى مينيسترلىكتىڭ ءباسپاسوز قىزمەتى.

سونداي-اق، قازاقستاننىڭ بەيجىڭدەگى ەلشىلىگىنىڭ قحر سىرتقى ىستەر مينيسترلىگىنە نوتا جولداعانىن دا حابارلادى.

پىكىرلەر