توتەنشە جاعدايعا بايلانىستى جۇمىسسىز قالعان ستۋدەنتتەرگە دە ەڭ تومەنگى جالاقى مولشەرىندەگى كومەك كورسەتىلەدى. سونداي-اق، ءبىر ۇيدەن بىرنەشە ادام كومەك الۋعا قۇقىعى بار.
الەۋمەتتىك تولەم تاعايىنداعان كەزدە، ءبىر وتباسىنان نەشە ادامنان ءوتىنىش تۇسكەنى ەسەپكە الىنبايدى. باستىسى ولار 42 500 تەڭگە الۋعا قۇقىلى ازاماتتاردىڭ ساناتىنا جاتسا بولعانى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.
ء"بىز ادام سانىنا قارامايمىز. ەگەر ءبىر وتباسىنان ءۇش-ءتورت ادام توتەنشە جاعدايعا بايلانىستى كىرىسىنەن ايىرىلىپ قالىپ، ءوتىنىش بەرسە، بارىنە بىردەي تولەنەدى. ەڭ باستىسى، ءبىزدىڭ تالاپتارعا ساي كەلسە بولدى", – دەدى نۇرىمبەتوۆ ونلاين بريفينگتە.
اتاۋلى الەۋمەتتىك كومەك الاتىندار، تابىسىنان ايىرىلسا، 42 500 تەڭگەگە ءوتىنىش بەرۋگە قۇقىلى.
سونىمەن قاتار، ەڭ تومەنگى جالاقى مولشەرىندەگى كومەك توتەنشە جاعدايعا بايلانىستى جۇمىسسىز قالعان ستۋدەنتتەرگە دە تولەنەدى.
ايتا كەتسەك، الەۋمەتتىك تولەمگە ءبىر رەت ءوتىنىش بەرۋ جەتكىلىكتى، ول توتەنشە جاعداي رەجيمى اياقتالعانشا تولەنەدى. ەڭبەك مينيسترلىگى حابارلاعانداي، توتەنشە جاعدايدىڭ 30 ساۋىرگە دەيىن ۇزارتىلۋىنا بايلانىستى قازاقستاندىقتارعا تولەم ەكىنشى رەت بەرىلەدى.
الەۋمەتتىك تولەمگە ءوتىنىشتى eGov پورتالى، 42500.enbek.kz ۆەب-سايتى جانە https://t.me/Help42500Bot بويىنشا Telegram-بوت ارقىلى بەرۋگە بولادى.
بۇدان بولەك، ەڭبەك مينيسترلىگى 42 500 تەڭگە جاردەماقى الۋعا بەرگەن ءوتىنىشتىڭ ستاتۋسىن تەكسەرۋگە مۇمكىندىك بەرەتىن ارنايى سەرۆيستى ىسكە قوستى.
