Stýdentter de 42 500 teńge alady

5266
Adyrna.kz Telegram

Tótenshe jaǵdaıǵa baılanysty jumyssyz qalǵan stýdentterge de  eń tómengi jalaqy mólsherindegi kómek kórsetiledi. Sondaı-aq, bir úıden birneshe adam kómek alýǵa quqyǵy bar. 

Áleýmettik tólem taǵaıyndaǵan kezde, bir otbasynan neshe adamnan ótinish túskeni esepke alynbaıdy. Bastysy olar 42 500 teńge alýǵa quqyly azamattardyń sanatyna jatsa bolǵany. Bul týraly eńbek jáne halyqty áleýmettik qorǵaý mınıstri Birjan Nurymbetov málimdedi.

"Biz adam sanyna qaramaımyz. Eger bir otbasynan úsh-tórt adam tótenshe jaǵdaıǵa baılanysty kirisinen aıyrylyp qalyp, ótinish berse, bárine birdeı tólenedi. Eń bastysy, bizdiń talaptarǵa saı kelse boldy", – dedi Nurymbetov onlaın brıfıngte.

Ataýly áleýmettik kómek alatyndar, tabysynan aıyrylsa, 42 500 teńgege ótinish berýge quqyly.

Sonymen qatar, eń tómengi jalaqy mólsherindegi kómek tótenshe jaǵdaıǵa baılanysty jumyssyz qalǵan stýdentterge de tólenedi.

Aıta ketsek, áleýmettik tólemge bir ret ótinish berý jetkilikti, ol tótenshe jaǵdaı rejımi aıaqtalǵansha tólenedi. Eńbek mınıstrligi habarlaǵandaı, tótenshe jaǵdaıdyń 30 sáýirge deıin uzartylýyna baılanysty qazaqstandyqtarǵa tólem ekinshi ret beriledi.

Áleýmettik tólemge ótinishti eGov portaly, 42500.enbek.kz veb-saıty jáne https://t.me/Help42500Bot boıynsha Telegram-bot arqyly berýge bolady.

Budan bólek, eńbek mınıstrligi 42 500 teńge járdemaqy alýǵa bergen ótinishtiń statýsyn tekserýge múmkindik beretin arnaıy servısti iske qosty.

Pikirler