باسىندا ءبىرتانوۆتىڭ ۆيرۋسقا قارسى ستراتەگياسى وتە ءساتتى كورىنىپ ەدى. ءسوز جوق ەلدى دەر كەزىندە شەكتەدى، شارا قولداندى. بىراق كۆ-نى ەلگە ۇشاقپەن "سەپكەنى" ءجون بولمادى. ۇندىستانداعىلاردى تارازعا توگىپ ەدى ەرتەڭىندە بىرنەشە ناۋقاس تىركەلدى، ودان كەيىن اتىراۋ... ەندى تىنىش جاتقان تالدىقورعانعا اراب جەرىندە جۇرگەن جۇزدەن اسا ادامدى تۇسىرمەك. دارىگەرلەردىڭ شاماسى شامالى ەكەنىن، كيىم، اپپارات جەتپەي شۋلاپ جاتقانىن بىلە تۇرا بۇلاي ەتۋ اقىلعا قونبايدى. اۋرۋلاردى ايماقتارعا شاشىپ جىبەرىپ ەمدەسەم دەگەن تاسىلگە كوشكەندەي، تەك قىتاي ولاي ەتپەدى. وزبەكستان دا كارانتيندەگىلەردى ءبىر جەردە جيناپ ۇستايمىن دەپ 10 مىڭ ادامعا ايدالادان ورىن سايلادى. قازاقتىڭ وسىلاي ەتۋىنە جەرى جەتپەدى مە، جىگەرى جەتپەدى مە؟ قىدىرىمپازداردى سونداي ءبىر جەرگە ءتۇسىرىپ، ۇستاۋعا مي جەتپەدى مە؟ ەكونوميكاسى دۇرىس الماتىدا ءبىر كۇندە 12 مەد.قىزمەتكەر تىركەلدى، باسقا وڭىرلەردەن نە قايران. قىزىلوردا كورسەتتى عوي، ءاپ-ساتتە الماتىنى قۋىپ جەتىپ قالدى. ال قازىر 170 مىڭدىق تالدىقورعان الاڭداپ وتىر. ءبىر ايدان بەرى باس دارىگەردىڭ تالاپتارىن بۇلجىتپاي، پوست رەجيمىنە كونىپ، تارتىپپەن ءومىر ءسۇرىپ، اينالاسىن قىمتاعان شاھارعا پالە توبەدەن تۇسپەسىنە كەپىلدىك جوق. جۇرت: ءبۇيتىپ وزدەرى تاراتاتىن بولسا ەلدى نەمەنەگە قىلقىندىرىپ كارانتيندە ۇستاپ وتىر، اشا سالماي ما، كوپپەن بىرگە كورەرمىز. تالدىقورعانعا ءتاڭىر جار بولسىن! - دەپ جاتىر. ءاۋمين! تاڭ اتقاندا كوروناۆيرۋس شىققان قالالار تىزىمىندە تالدىقورعان تۇرماسىن! جالپى قازاققا جاراتقان جار بولسىن!
سەرىك ابىكەنۇلى
