SERIK ÁBIKENULY: Vırýs juqtyrǵandardy bir jerge jınaýǵa qazaqtyń jeri jetpedi me, jigeri jetpedi me?

2848
Adyrna.kz Telegram

Basynda Birtanovtyń vırýsqa qarsy strategııasy óte sátti kórinip edi. Sóz joq eldi der kezinde shektedi, shara qoldandy. Biraq KV-ny elge ushaqpen "sepkeni" jón bolmady. Úndistandaǵylardy Tarazǵa tógip edi erteńinde birneshe naýqas tirkeldi, odan keıin Atyraý... endi tynysh jatqan Taldyqorǵanǵa arab jerinde júrgen júzden asa adamdy túsirmek. Dárigerlerdiń shamasy shamaly ekenin, kıim, apparat jetpeı shýlap jatqanyn bile tura bulaı etý aqylǵa qonbaıdy. Aýrýlardy aımaqtarǵa shashyp jiberip emdesem degen tásilge kóshkendeı, tek Qytaı olaı etpedi. Ózbekstan da karantındegilerdi bir jerde jınap ustaımyn dep 10 myń adamǵa aıdaladan oryn saılady. Qazaqtyń osylaı etýine jeri jetpedi me, jigeri jetpedi me? Qydyrympazdardy sondaı bir jerge túsirip, ustaýǵa mı jetpedi me? Ekonomıkasy durys Almatyda bir kúnde 12 med.qyzmetker tirkeldi, basqa óńirlerden ne qaıran. Qyzylorda kórsetti ǵoı, áp-sátte Almatyny qýyp jetip qaldy. Al qazir 170 myńdyq Taldyqorǵan alańdap otyr. Bir aıdan beri Bas dárigerdiń talaptaryn buljytpaı, post rejımine kónip, tártippen ómir súrip, aınalasyn qymtaǵan shaharǵa pále tóbeden túspesine kepildik joq. Jurt: búıtip ózderi taratatyn bolsa eldi nemenege qylqyndyryp karantınde ustap otyr, asha salmaı ma, kóppen birge kórermiz. Taldyqorǵanǵa Táńir jar bolsyn! - dep jatyr. Áýmın! Tań atqanda koronavırýs shyqqan qalalar tiziminde Taldyqorǵan turmasyn! Jalpy qazaqqa Jaratqan jar bolsyn!

Serik Ábikenuly

Pikirler