- سىزگە 42500 تەڭگە ءتۇستى، بانككە كەپ كارتوچكا اشتىرۋىڭىز كەرەك.
- ويباي، كارتوچكام قايدا كەتىپ قاپتى، بار ەمەس پە؟
- وندا جارامدىلىعى وتكەن. وسى اقشانى الۋعا باسقا كارتا اشتىرۋ كەرەك...
- جوق. جارامدى. ول كارتوچكانىڭ ءبارىن ناعىلام سوسىن؟
- وندا جەكە كۋالىگىڭىز جارامسىز.
- قوي، ول دا جارامدى.
- بانككە كەلۋىڭىز كەرەك. بازادان شىقپاي جاتىر.
- كوكەتاي، سول اقشانى ءوزىڭ الا قويشى، كارانتين عوي قازىر، ەشقايدا شىقپايمىن.
- گولوۆنويدان سۇراپ بىلەيىنشى،-
دەپ تۇتقانى قويدى.
ارى قاراي ۇيىقتاي بەردىم. ابدەن ۇيقىم قانعانشا ەشكىم مازالامادى.
تۇرعان سوڭ "سۆەجي" ميمەن ويلانا باستادىم. مىنالارى قىزىق ەكەن... "ۇيدەن شىقپا",- دەپ قاقساۋداي قاقساپ جاتىر. الگى اقشاعا ءدال بۇگىن-ەرتەڭ كۇنىم قاراپ تۇرعان جوق. ۋاقتىلى نالوگ تولەپ جاتقان سوڭ، راقمەت "سىيلاعاندارىنا". بىراق مەنىڭ كارتوچكام بار، سوعان نەگە اۋدارمايدى؟ وسى ۋاقىتقا دەيىن سول بتسك كارتاسىمەن ەڭبەكاقىمدى دا الىپ كەلگەم. قاڭتاردان بەرى جۇمىسسىز بولعانىممەن جارامدىلىق مەرزىمى بىتپەگەن ءالى. سونىمەن، ءۇنسىز. مەيلى، وقىعان نەمەلەر عوي وزدەرى بىردەڭە بىلەدى دە. ايتپاعىم ول ەمەس. سوندا مەن جەلپىلدەپ كوپشىلىك جينالعان ورىنعا جەتىپ بارسام. قىرىق مىڭنىڭ سوڭىندا جۇرگەن قىرعىن قاتىننىڭ ىشىندە تاپتالۋىم دا مۇمكىن، ونى قويشى، اۋرۋ جۇقتىرسام پالەن كۇنگى كارانتينىم قايدا قالادى؟
بانك جاعالاپ، اقشانىڭ سوڭىنا تۇسكەندەردى كىنالاماۋ كەرەك. ۇيىندە شيەتتەي بالا-شاعاسى بار ناپاقاسىز قالعاندارعا جاڭاعىنداي قوڭىراۋ سوعىلمادى دەيمىسىز؟! وسىنى ايتىپ ء"ىشىمدى بوساتىپ" الايىن دەپ قايىرا قوڭىراۋ شالسام: "بلا-بلا، 1-ءدى باس، ءدابا-ءدابا، 2-ءنى باس، بارلىق وپەراتور بوس ەمەس، ون مينۋتقا دەيىن كۇتە الاسىز، بارلىق وپەراتور بوس ەمەس، 9 مينۋت كۇتە الاسىز",- دەدى قاقىلداعان اۆتومات-قاتىن. بۇيىرعان نارسە كەتپەيدى. دۇكەندەگى ادەمى زاتقا قىزىققاندا دەر كەزىندە اقشاسىز نەمەسە ويلانۋىم كەرەك بولسا، ون جەردەن سىلاپ-سيپاپ كورسەم دە، كەيىن كەلەتىنىمدى ايتام. الگى زاتتىڭ ەڭ سوڭعىسى قالعانىن، ءبىتىپ كەتەتىنىن، ساقتاپ قويمايتىنىن ايتىپ، ساتۋشى مايلى ىشەكتەي اينالدىرادى وندايدا. دۇرىس قوي ەندى. "بۇل مەنىكى! دەمەك، مەنى كۇتەدى",- دەيمىن دە كەتەم. سول زاتتى الۋعا بولمايتىنداي مازام كەتىپ "اۋىرىپ" قالسام، ەكى-ءۇش كۇندە الىپ قايتام. بۇيىرماي قالعانى بولماپتى. سول سياقتى ول 42500 بۇيىرىپ تۇر ما، دەمەك، مەنىكى. ال مەن ونى شىن مۇقتاجعا بەرەم دەپ قۇدايعا ۋادە بەرگەم...
***
ايەلدەر پىسىق! وي-ە-بو-وي، ءوزىم دە رەستوراندا نەعىپ پوۆار بولماي كەتكەم دەپ ويلاپ قويام. ءازىل عوي. كارانتين نەنى بايقاتتى؟ ەڭ ءبىرىنشى ايەل ون جەردەن كولىكتى تىزگىندەپ تەمەكى شەگىپ، كۇيىكتەن ءىشىپ كەتسە دە، ايەل بوپ قالاتىنىن بايقاتتى. بالاسىنا ول - اسپاز، شاشتاراز، مۇعالىم... بىراق ول - ەڭ الدىمەن، ايەل، انا، جار! ەگەر ونىڭ توڭازىتقىشى تولىپ تۇرسا، ەگەر ونىڭ پاتەراقىم تولەنباي قالسا قايتەم دەگەن ۋايىمى بولماسا، ەگەر ول وزىنە قاجەتتىڭ ءبارىن ۇيىنەن تابا السا، ءمانتىڭ دە، لاعمانىڭ دا، سالاتىڭ مەن ءتاتتى پيروگ-تورتىڭ دا دايىن! ايەل جانتالاسىپ جۇمىسقا بارۋعا اسا قاتتى قۇشتار دا ەمەس. سوندىقتان ەر-ازاماتتى ايەلدىڭ الدىندا تۇقىرتىپ جەرگە قاراتپا، جۇمىس بەر، اقشاسىن دۇرىستاپ تولە! حالىقتى ەشقاشان بيلىك اسىراپ كورگەن جوق، مەملەكەت حالقىن اسىراۋعا مىندەتتى دە ەمەس، بىراق حالقىنىڭ جاعدايىن جاساۋعا مىندەتتى! سول حالىقتىڭ بالاسى دا سوندا وتانىن قورعاۋعا قۇشتار بوپ وسپەك!
... ايتتىم عوي، اجەپتاۋىر ايەلمىز ءبارىمىز. بىراق... ون جەردەن سۋشي جاسا، مانتى ءتۇي، لاعمان سوز، بەردىبەك جازۋشىنىڭ بوكپە اجەسى ءپىسىرىپ بەرەتىن كارتوبى تورعايداي اناۋ كوجەسىندەي كەسپەكوجەگە، ءوزىڭ قولمەن جايعان قامىرىنا ساۋساعىڭدى سالىپ تۇرىپ ءسۇيسىنىپ جەيتىن ەتكە، قۇرت قوسىپ ىشەر سورپاعا جەتپەيدى. ۇلتتىق تاعامنىڭ اتى - ۇلتتىق تاعام، قازاقتىڭ اسى ول - قازاقتىڭ اسى، تاريحي جادىڭدا ساقتالىپ قالعان، ول ءبىزدىڭ تابيعي قاجەتىمىز، اڭسار ءھام ءسۇيسىنىپ ىشەر تاماعىمىز. ولاي بولسا، مالشىعا مۇمكىندىك بەر، ەتكەن ەڭبەگىن - ەش، تۇزىن سور قىلىپ پايداسىن مەن راقاتىن دەلدالعا كورسەتپە، قالاداعى ءار قازاق ەتى مەن مايىن، ايرانى مەن ءسۇتىن، قۇرتى مەن ىرىمشىگىن ساتىپ الىپ جەي الاتىنداي باعاسىن شارىقتاتپاي تۇراقتاندىر! مەملەكەتتىڭ قىزمەتكە ورشەلەنىپ ۇمتىلمايتىن بالا تۋار ايەلى دە، دەنى ساۋ ۇلتى دا بولادى. وسىنى جۇزەگە اسىرۋعا اناۋ ايتقانداي مي دا كەرەك ەمەس، ءبىر قورا دەپۋتاتقا تەگىن ترەنينگ، تەگى! ميلليون تەڭگە ايلىعىڭنان تيىن اۋدارام دەسەڭدەر ءبىروتالا كارتوچكا اشتىرىپ كەلەم. كارانتين بىتكەن سوڭ!!!
#كارانتيندەگىقالا
