- Sizge 42500 teńge tústi, bankke kep kartochka ashtyrýyńyz kerek.
- Oıbaı, kartochkam qaıda ketip qapty, bar emes pe?
- Onda jaramdylyǵy ótken. Osy aqshany alýǵa basqa karta ashtyrý kerek...
- Joq. Jaramdy. Ol kartochkanyń bárin naǵylam sosyn?
- Onda jeke kýáligińiz jaramsyz.
- Qoı, ol da jaramdy.
- Bankke kelýińiz kerek. Bazadan shyqpaı jatyr.
- Kóketaı, sol aqshany óziń ala qoıshy, karantın ǵoı qazir, eshqaıda shyqpaımyn.
- Golovnoıdan surap bileıinshi,-
dep tutqany qoıdy.
Ary qaraı uıyqtaı berdim. Ábden uıqym qanǵansha eshkim mazalamady.
Turǵan soń "svejıı" mımen oılana bastadym. Mynalary qyzyq eken... "Úıden shyqpa",- dep qaqsaýdaı qaqsap jatyr. Álgi aqshaǵa dál búgin-erteń kúnim qarap turǵan joq. Ýaqtyly nalog tólep jatqan soń, raqmet "syılaǵandaryna". Biraq meniń kartochkam bar, soǵan nege aýdarmaıdy? Osy ýaqytqa deıin sol BK kartasymen eńbekaqymdy da alyp kelgem. Qańtardan beri jumyssyz bolǵanymmen jaramdylyq merzimi bitpegen áli. Sonymen, únsiz. Meıli, oqyǵan nemeler ǵoı ózderi birdeńe biledi de. Aıtpaǵym ol emes. Sonda men jelpildep kópshilik jınalǵan orynǵa jetip barsam. Qyryq myńnyń sońynda júrgen qyrǵyn qatynnyń ishinde taptalýym da múmkin, ony qoıshy, aýrý juqtyrsam pálen kúngi karantınim qaıda qalady?
Bank jaǵalap, aqshanyń sońyna túskenderdi kinálamaý kerek. Úıinde shıetteı bala-shaǵasy bar nápaqasyz qalǵandarǵa jańaǵyndaı qońyraý soǵylmady deımisiz?! Osyny aıtyp "ishimdi bosatyp" alaıyn dep qaıyra qońyraý shalsam: "Bla-bla, 1-di bas, dába-dába, 2-ni bas, barlyq operator bos emes, on mınýtqa deıin kúte alasyz, barlyq operator bos emes, 9 mınýt kúte alasyz",- dedi qaqyldaǵan avtomat-qatyn. Buıyrǵan nárse ketpeıdi. Dúkendegi ádemi zatqa qyzyqqanda der kezinde aqshasyz nemese oılanýym kerek bolsa, on jerden sylap-sıpap kórsem de, keıin keletinimdi aıtam. Álgi zattyń eń sońǵysy qalǵanyn, bitip ketetinin, saqtap qoımaıtynyn aıtyp, satýshy maıly ishekteı aınaldyrady ondaıda. Durys qoı endi. "Bul meniki! Demek, meni kútedi",- deımin de ketem. Sol zatty alýǵa bolmaıtyndaı mazam ketip "aýyryp" qalsam, eki-úsh kúnde alyp qaıtam. Buıyrmaı qalǵany bolmapty. Sol sııaqty ol 42500 buıyryp tur ma, demek, meniki. Al men ony shyn muqtajǵa berem dep Qudaıǵa ýáde bergem...
***
Áıelder pysyq! Oı-e-bo-oı, ózim de restoranda neǵyp povar bolmaı ketkem dep oılap qoıam. Ázil ǵoı. Karantın neni baıqatty? Eń birinshi áıel on jerden kólikti tizgindep temeki shegip, kúıikten iship ketse de, áıel bop qalatynyn baıqatty. Balasyna ol - aspaz, shashtaraz, muǵalim... Biraq ol - eń aldymen, áıel, ana, jar! Eger onyń tońazytqyshy tolyp tursa, eger onyń páteraqym tólenbaı qalsa qaıtem degen ýaıymy bolmasa, eger ol ózine qajettiń bárin úıinen taba alsa, mántiń de, laǵmanyń da, salatyń men tátti pırog-tortyń da daıyn! Áıel jantalasyp jumysqa barýǵa asa qatty qushtar da emes. Sondyqtan er-azamatty áıeldiń aldynda tuqyrtyp jerge qaratpa, jumys ber, aqshasyn durystap tóle! Halyqty eshqashan bılik asyrap kórgen joq, memleket halqyn asyraýǵa mindetti de emes, biraq halqynyń jaǵdaıyn jasaýǵa mindetti! Sol halyqtyń balasy da sonda Otanyn qorǵaýǵa qushtar bop óspek!
... Aıttym ǵoı, ájeptáýir áıelmiz bárimiz. Biraq... On jerden sýshı jasa, manty túı, laǵman soz, Berdibek jazýshynyń Bókpe ájesi pisirip beretin kartoby torǵaıdaı anaý kójesindeı kespekójege, óziń qolmen jaıǵan qamyryna saýsaǵyńdy salyp turyp súısinip jeıtin etke, qurt qosyp isher sorpaǵa jetpeıdi. Ulttyq taǵamnyń aty - ulttyq taǵam, qazaqtyń asy ol - qazaqtyń asy, tarıhı jadyńda saqtalyp qalǵan, ol bizdiń tabıǵı qajetimiz, ańsar hám súısinip isher tamaǵymyz. Olaı bolsa, malshyǵa múmkindik ber, etken eńbegin - esh, tuzyn sor qylyp paıdasyn men raqatyn deldalǵa kórsetpe, qaladaǵy ár qazaq eti men maıyn, aırany men sútin, qurty men irimshigin satyp alyp jeı alatyndaı baǵasyn sharyqtatpaı turaqtandyr! Memlekettiń qyzmetke órshelenip umtylmaıtyn bala týar áıeli de, deni saý ulty da bolady. Osyny júzege asyrýǵa anaý aıtqandaı mı da kerek emes, bir qora depýtatqa tegin trenıng, tegi! Mıllıon teńge aılyǵyńnan tıyn aýdaram deseńder birotala kartochka ashtyryp kelem. Karantın bitken soń!!!
#KarantındegiQala
