"كەدەي مەملەكەتپىز دەگەنىم ءۇشىن كەشىرىم وتىنەمىن" كەرەمەت ءسوز! ءبىز مىڭداعان كاسىپورنى ەكونوميكاسىن العا قاراي زۋلاتا سۇيرەپ كەلە جاتقان ەل ەكەنىمىزدى وسى ۋاقىتقا دەيىن بىلمەگەن مۇعالىم وسىلاي دەپتى. كەشەگى ۇندەۋدى وقىپ كوزى اشىلسا كەرەك، كەشىرىم سۇراپتى. وقىماعان-اۋ؟ اۋدان اكىمى تۇسىندىرگەن سەكىلدى. قازيت-جورنال وقىمايتىن پەندەنى اكەسىن تانىتىپ تەز تۇزەگەن ول اكىمگە مىڭ العىس! الگى مۇعالىم ءارتىس قانا ەمەس، ءوزى وتە باقۋاتتى ەكەن. رەستوراندا سۋرەتكە ءتۇسىپءتى، دەمەك رەستورانى بار، مەرسكە سۇيەنىپتى دەمەك مەرسى بار، جىلتىر كويلەك كيىپ تويعا بارىپتى، دەمەك ساۋىق-سايراننان قولى بوسامايدى، قوي-ەشكىنىڭ ورتاسىندا جۇرگەن ۆيدەوسى بار، دەمەك... بىرەۋلەر ۋجس! 300 مىڭ الادى ەكەن! - دەپ تالىپ جاتىر. ءبىلىم باسقارماسى "ونىڭ كولىگى بار!" - دەدى، سوعان قاراعاندا ءبىر قۋىستا تىعىلعان گەليگىن اشكەرە ەتكەن-اۋ. سويتە تۇرا كەدەيمىز، ءۇيىم جوق، ينتەرنەت جوق، - دەۋ ەندى... بەزوبرازيە! تۇر عوي ءبارى ينستاگرامدا. قولىنا ۋداي قىمبات وتىز مىڭنىڭ سوتكاسىن ۇستاپ الىپ، 4g-مەن سۋرەت جۇكتەپ ءجۇرىپ كەدەيمىز دەيدى. مۇندايلاردى ازىرگە باقۋاتتى ەلدىڭ كارتاسىنا كىرىپ ۇلگەرمەگەن جەڭىس، بايشەگىرگە كوشىرىپ جىبەرۋ كەرەك... ول جاقتاعىلار ازىرگە بايلىعىن بايقاتا المايدى. 4g بارعاندا ەلدەگى بايلار سانى كۇرت ءوسىپ، كەدەي دەگەن مۇلدەم جويىلىپ كەتۋى مۇمكىن. وتىزدان وزىپ كەتپەيىك، ۇيات بولار دەپ ادەيى جەلى جەتكىزبەي وتىرمىز. جەلى جەتسە قىزىقتىڭ كوكەسى بولادى. قىسقاسى، مەملەكەتتىڭ ەكونوميكالىق دەڭگەيىنىڭ كورسەتكىشى - ينستاگرام جاساسىن! ينستا - دوس، كوڭىل - حوش!
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз