"Kedeı memleketpiz degenim úshin keshirim ótinemin" Keremet sóz! Biz myńdaǵan kásiporny ekonomıkasyn alǵa qaraı zýlata súırep kele jatqan el ekenimizdi osy ýaqytqa deıin bilmegen muǵalim osylaı depti. Keshegi úndeýdi oqyp kózi ashylsa kerek, keshirim surapty. Oqymaǵan-aý? Aýdan ákimi túsindirgen sekildi. Qazıt-jornal oqymaıtyn pendeni ákesin tanytyp tez túzegen ol ákimge myń alǵys! Álgi muǵalim ártis qana emes, ózi óte baqýatty eken. Restoranda sýretke túsipti, demek restorany bar, merske súıenipti demek mersi bar, jyltyr kóılek kıip toıǵa barypty, demek saýyq-saırannan qoly bosamaıdy, qoı-eshkiniń ortasynda júrgen vıdeosy bar, demek... Bireýler Ýjs! 300 myń alady eken! - dep talyp jatyr. Bilim basqarmasy "Onyń kóligi bar!" - dedi, soǵan qaraǵanda bir qýysta tyǵylǵan Gelıgin áshkere etken-aý. Sóıte tura kedeımiz, úıim joq, ınternet joq, - deý endi... Bezobrazıe! Tur ǵoı bári ınstagramda. Qolyna ýdaı qymbat otyz myńnyń sotkasyn ustap alyp, 4g-men sýret júktep júrip kedeımiz deıdi. Mundaılardy ázirge baqýatty eldiń kartasyna kirip úlgermegen Jeńis, Baıshegirge kóshirip jiberý kerek... Ol jaqtaǵylar ázirge baılyǵyn baıqata almaıdy. 4g barǵanda eldegi baılar sany kúrt ósip, kedeı degen múldem joıylyp ketýi múmkin. Otyzdan ozyp ketpeıik, uıat bolar dep ádeıi jeli jetkizbeı otyrmyz. Jeli jetse qyzyqtyń kókesi bolady. Qysqasy, memlekettiń ekonomıkalyq deńgeıiniń kórsetkishi - ınstagram jasasyn! Insta - dos, kóńil - hosh!
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз