ادەمى كەتۋ دە ۇلكەن ونەر مەن ساياسي كورەگەندىك قوي. لي كۋان يۋ 30 جىل ەل باسقارىپ كەتتى. مەملەكەتتىڭ اقساقالى رەتىندە اقىلىن ايتىپ وتىردى. بىراق ول سينگاپۋردى قۇرعان ەدى. قانشا وتىرسا دا جاراستى. سينگاپۋردىڭ قالاي وسكەنىن كورگەن ەل مويىندادى الىپ تۇلعانى.
"دوكتور م" مالايزيانى 20 جىل باسقارىپ كەتتى. ادەمى كەتتى. 90-نان اسقان شاعىندا قايتا كەلىپ، ساياسي تىعىرىقتان ەلىن شىعارىپ تاعى دا كەتتى. ءوز ەلىندە. ەشقايدا قاشپادى. حالقىنا ءجۇزى اشىق باسشى رەتىندە ءالى دە ابىرويلى وتانىندا.
اقش پرەزيدەنتتەرى ءار ءتورت جىل سايىن سايلانىپ، ماكسيمۋم 8 جىلدا كەتەدى. وركەنيەتتى ەلدەردىڭ بارىندە بارلىعى ارى كەتسە 10 جىلدا كەتەدى.
اتاتۇرككە 15 جىل جەتكىلىكتى بولدى. جاس بولسا دا ول دا كەتتى تاعدىرىنا كونىپ. رەفورماتورلار ول جاققا دا كەرەك بولعان شىعار.
دەن سياوپين 1976-1990 جىلدارى ەل باسقارىپ ول دا كەتتى. ۋاقىتىندا.
ۋكراينادا جاس پرەزيدەنت زەلەنسكي كەلىپ ەلىن قۋانتىپ جاتىر.
ارمەنيادا پاشينيان كەلدى نۇر ۇستىنە نۇر بولىپ.
كەيبىر ازاماتتار كەلىپ قۋانتادى. كەيبىر ازاماتتار كەتىپ قۋنتادى دەگەن وسى عوي. ءتىپتى استانادا قالىڭ قار جاۋعان قىس تا كەتتى. كوكتەم كەلگەنىنە قۋانىپ جاتىرمىز. استاناداعى تابيعاتتىڭ تاماشا وزگەرىسى وسى قالاداعى ادامدارعا دا جۇعىستى بولسىن! استانا وزگەرمەي قازاقستان وزگەرمەيدى!
