ابايدىڭ 175 جىلدىعىنا ارنالعان «ابايتانۋ» ونلاين اپتالىعى ءوز مارەسىنە جەتتى. 31-ناۋرىز بەن 6-ءcاۋىر ارالىعىندا (2020ج.) ءال-فارابي اتىنداعى قازاق ۇلتتىق ۋنيۆەرسيتەتى ءباسپاسوز جانە ەلەكەتروندى باق كافەدراسى مەن پروفەسسور بارمانقۇلوۆ اتىنداعى «تەلەزەرتحانا» عىلىمي ۇيىرمەسىنىڭ ۇيىمداستىرۋىمەن وتكەن اپتالىق جۋرناليستيكا فاكۋلتەتى ستۋدەنتتەرىنىڭ دانىشپان ابايدىڭ قارا سوزدەرى، تابيعات، ماحاببات ليريكاسى تۋراسىنداعى پىكىرساراپتارىمەن باستالىپ، جۋرناليستيكا ماماندىعىن تاڭداعان تالاپكەرلەردىڭ ۇلى ويشىلدىڭ ءبىلىم، عىلىم، ونەر، ادامگەرشىلىك پەن ىزگىلىك تاقىرىبىنداعى جىرلارى جايلى ويتولعامدارىنا ۇلاستى. ابايتانۋ اپتالىعىنىڭ نۇكتەسىن قىزىلوردالىق تالاپكەر ەرداۋلەت قاليەۆ ءوزنىڭ «اباي – ۇلت بيىگى» دەپ اتالاتىن تەلەتۋىندىسىمن قويدى. بولاشاق جۋرناليستەر مەن بالعىن تالاپكەرلەردىڭ تىكەلەي ەفيردەگى شىنايى سىرلاسۋ ساتتەرىنىڭ كۋاسى بولعان وقىرماندار اباي مۇراسىنىڭ كاۋسار بۇلاعىنان سۋسىنداپ، رۋحاني ءنار الدى.
ابدىجادىلقىزى جيدەگۇل
ءال-فارابي اتىنداعى قازاق ۇلتتىق ۋنيۆەرسيتەتى
باسپاسوز جانە ەلەكەتروندى باق كافەدراسى
