مەملەكەت باسشىسى قاسىم-جومارت توقاەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا جاعداي تۇراقتى ەكەنىن ايتتى. پرەزيدەنتتىڭ سوزىنشە، شۇعىل شارالاردىڭ ارقسىندا كوروناۆيرۋس ەلدە كەڭ تارالماعان.
"بۇگىندە ءبىز ۋاقىتىندا جۇزەگە اسقان شۇعىل شارالاردىڭ ارقاسىندا ىندەتتىڭ كەڭ تارالۋىنا جول بەرمەدىك. مۇنى حالىقارالىق قوعامداستىق وڭ باعالاپ وتىر. تۇرعىندارعا جانە بيزنەسكە قولداۋ كورسەتۋ ماقساتىندا داعدارىسقا قارسى ناقتى شارالار قابىلدادىق. ازاماتتارىمىزعا كومەكتەسۋ ءۇشىن بۇرىن-سوڭدى بولماعان كولەمدە قىرۋار قارجى ءبولىندى. كوپتەگەن مەملەكەت حالقىنا وسىنداي قولداۋ كورسەتە العان جوق. توتەنشە جاعداي كەزىندەگى ەڭ ماڭىزدى مىندەتتەردىڭ ءبىرى - ازىق-تۇلىك قاۋىپسىزدىگىن قامتاماسىز ەتۋ. سوندىقتان الەۋمەتتىك ماڭىزى بار ازىق-تۇلىكتىڭ شەكتى باعاسى بەلگىلەندى", - دەدى مەملەكەت باسشىسى.
"تۇتاستاي العاندا، جاعداي باقىلاۋدا. ەلوردا مەن الماتىداعى قازىرگى جاعداي تۇراقتى. بىراق، قاراعاندى، اقمولا، قىزىلوردا، تۇركىستان، جامبىل وبلىستارىندا اۋرۋعا شالدىققانداردىڭ سانى ارتىپ كەتتى. بۇل اتقارىلعان جۇمىستاردىڭ جەتكىلىكسىزدىگىن بىلدىرەدى. سوندىقتان دا قوسىمشا شارالار قابىلداۋ قاجەت،" - دەدى توقاەۆ.
"ادىرنا" ۇلتتىق پورتالى
