ايلىق ەسەپتىك كورسەتكىشتىڭ ءوسۋى الەۋمەتتىك تولەم مولشەرىن وزگەرتە مە؟

2564
Adyrna.kz Telegram

ايلىق ەسەپتىك كورسەتكىشتىڭ وزگەرگەنىنە قاراماستان بىرىڭعاي جيىنتىق تولەمىنىڭ مولشەرى سول كۇيىندە قالادى.  ياعني، قالالاردا 2651 تەڭگە بولسا، ەلدى مەكەندەردەگى مولشەرى  1325 تەڭگەگە تەڭ.    بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.

ء"وزىن-ءوزى جۇمىسپەن قامتىعاندار 42 500 تەڭگە الۋ ءۇشىن ءوتىنىش بەرمەي تۇرىپ، بىرىڭعاي جيىنتىق تولەمىن تولەۋى ءتيىس. بجت مولشەرى قالا ءۇشىن 1 اەك-كە، ال اۋىلداردا 0,5 اەك-كە تەڭ. ياعني، تيىسىنشە 2 651 تەڭگە جانە 1 325 تەڭگە", - دەپ مالىمدەدى مينيسترلىك وكىلى.

قارجى مينيسترلىگى كەيبىر بانكتىڭ قوسىمشاسىنداعى  ءساۋىر ايىنداعى  ايلىق ەسەپتىك كورسەتكىشتىڭ 2 651 تەڭگەدەن 2 748 تەڭگەگە دەيىن وسۋىنە بايلانىستى تۇسىنىكتەمە بەرىپ، بۇل قاتە ەكەنىن ايتتى.

"بجت مولشەرى وزگەرمەيدى. ويتكەنى سالىق كودەكسىنىڭ 775-بابىنا سايكەس، بىرىڭعاي جيىنتىق تولەمىن ەسەپتەۋ جانە تولەۋ ءتارتىبى ءتيىستى قارجى جىلىنىڭ 1 قاڭتارىنداعى ايلىق ەسەپتىك كورسەتكىشتىڭ مولشەرىن ەسەپكە الىپ بەلگىلەنەدى", - دەدى ۆەدومستۆو.

بجت دەگەن نە؟ (بىرىڭعاي جيىنتىق تولەم)

بجت قۇرامىنا ءتورت بىردەي تولەم كىرەدى:

  1. جەكە تابىس سالىعى
  2. مىندەتتى زەينەتاقى جارناسى
  3. الەۋمەتتىك مەديتسينالىق ساقتاندىرۋ قورىنا جارنا
  4. مەملەكەتتىك الەۋمەتتىك ساقتاندىرۋ قورىنا اۋدارىمدار

بجت تولەگەن ازامات تومەندەگى مۇمكىندىكتەرگە يە بولادى:

1) جيناقتاۋشى زەينەتاقى جۇيەسىنە قاتىسۋ، بازالىق زەينەتاقى الۋعا

2) مىندەتتى الەۋمەتتىك مەديتسينالىق ساقتاندىرۋ جۇيەسىنە قاتىسۋعا

3) الەۋمەتتىك تولەمدەر الۋعا

42 500 تەڭگەنى كىمدەر الا الادى؟

توتەنشە جاعدايعا بايلانىستى كىرىسىنەن ايىرىلعان ازاماتتار ەڭ تومەنگى جالاقى مولشەرىندە جاردەماقى الادى. بۇل ساناتقا ءوزىن-ءوزى جۇمىسپەن قامتىعان قازاقستاندىقتار دا كىرەدى.

الەۋمەتتىك تولەم ءبىر رەت تاعايىندالادى، بىراق توتەنشە جاعداي اياقتالعانعا دەيىن تولەنەدى. بۇل ساناتقا كىرەتىندەر: 

  • شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىسقا شىققان قىزمەتكەرلەرى;
  • كارانتين جاريالانعان ەلدى مەكەندەردەگى ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىسقا شىققان قىزمەتكەرلەرى;
  • مەملەكەتتىك مەكەمەلەردى قوسپاعاندا، كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى جۇمىسشىلارى;
  • جەكە كاسىپكەرلەر;
  • جەكە تاجىريبەمەن اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور);
  • بىرىڭعاي جيىنتىق تولەم تولەۋشىلەر;
  • ازاماتتىق-قۇقىقتىق سيپاتتاعى شارت بويىنشا تابىس تاباتىن، مىندەتتى زەينەتاقى جارنالارى اۋدارىلعان ادامدار.

الەۋمەتتىك تولەمگە ءوتىنىشتى eGov پورتالى، 42500.enbek.kz ۆەب-سايتى جانە https://t.me/Help42500Bot بويىنشا Telegram-بوت ارقىلى بەرۋگە بولادى.

"ادىرنا" ۇلتتىق پورتالى

پىكىرلەر