اقبەرەن ەلگەزەك: ەركەلەپ بولدىق قوي، جەتەتىن شىعار؟!

2177
Adyrna.kz Telegram

بۇرىننان ايتىپ جۇرەتىن ءبىر مىسالىم بار ەدى. ايتالىق، بالاڭىز سىزگە ەركەلەپ قىستىكۇنى بالمۇزداق سۇرايدى. ءسىز بالاڭىزدىڭ دەنساۋلىعىن ويلاپ، وعان بالمۇزداق اپەرمەيسىز. ول دولدانىپ جىلايدى. ءسىز ونى جۇباتاسىز، الداندىراسىز، سوسىن اقىلىنا جۇگىنىپ “تاماعىڭ اۋىرادى، بولمايدى، بالام” دەپ تۇسىندىرەسىز. ەركە بالاڭىز وعان دا كونبەي، جەر تەپكىلەي باستايدى. سول كەزدە ءسىز ۇرىساسىز. بالاڭىز ۇرىسقان سوزىڭىزگە پىسقىرىپ تا قارامايدى. سوندا ءسىز نە ىستەيسىز؟! دۇرىس، كوتەنىنەن سالىپ-سالىپ جىبەرەسىز. بالا قورىققانىنان ەركەلىگىن قويادى. بالا سىزگە ۋاقىتشا رەنجىپ بۇرتيعانمەن، ءسىز ونى اۋرۋدان ساقتاپ قالدىڭىز. قۇداي مەن ادامزاتتىڭ قارىم-قاتىناسى دا وسىعان ۇقساس. دۇرىس ءومىر ءسۇر، قورشاعان تابيعاتقا مەيىرىممەن قارا، بەرىلگەن دۇنيەنى جاۋاپكەرشىلىكپەن پايدالان، قۇتىرما، “ادامزاتتىڭ ءبارىن ءسۇي، باۋىرىم دەپ”، ماتەريالدىق دۇنيەگە كوپ بوي الدىرعاننان گورى، رۋحاني ءوس دەپ تالاي رەت ءتاڭىر تاراپىنان ايتىلدى ەمەس پە؟! تىڭداعان قايسىمىز بار؟! ء“ما، ەندەشە!” بولدى سوسىن. ەندى جاتىرمىز، نە بولار ەكەن دەپ. قۇر جاتپايىق ويلانايىق، تۇيسىنەيىك، تۇبەگەيلى ىشتەي دە سىرتتاي دا وزگەرەيىك. ەركەلەپ بولدىق قوي، جەتەتىن شىعار؟! كوزگە كورىنبەيتىن بيتتەي عانا ۆيرۋسپەن ەكى-ءۇش ايدا قالاي ادامزاتتى تاربيەلەدى قۇداي؟! ۆوت! ءوزىمىز دە كوپ نارسەنى تەز تۇسىندىك. ەركىندىك پەن ارالاس-قۇرالاستىقتىڭ، قاۋىپسىزدىك پەن ۇرەيسىز ءومىر ءسۇرۋدىڭ قادىرىن از ۋاقىتتا سەزىنىپ ۇلگەردىك. وسىمەن “ايۋعا ناماز ۇيرەتكەن تاياق” ءادىسى توقتاسا ەكەن دەپ ويىرمىز. بۇل قاتاڭ ساباقتىڭ تەزىرەك توقتاۋ ءسىز بەن بىزگە بايلانىستى، باۋىرلار...

پىكىرلەر