AQBEREN ELGEZEK: Erkelep boldyq qoı, jetetin shyǵar?!

2176
Adyrna.kz Telegram

Burynnan aıtyp júretin bir mysalym bar edi. Aıtalyq, balańyz sizge erkelep qystykúni balmuzdaq suraıdy. Siz balańyzdyń densaýlyǵyn oılap, oǵan balmuzdaq ápermeısiz. Ol doldanyp jylaıdy. Siz ony jubatasyz, aldandyrasyz, sosyn aqylyna júginip “tamaǵyń aýyrady, bolmaıdy, balam” dep túsindiresiz. Erke balańyz oǵan da kónbeı, jer tepkileı bastaıdy. Sol kezde siz urysasyz. Balańyz urysqan sózińizge pysqyryp ta qaramaıdy. Sonda siz ne isteısiz?! Durys, kóteninen salyp-salyp jiberesiz. Bala qoryqqanynan erkeligin qoıady. Bala sizge ýaqytsha renjip burtıǵanmen, siz ony aýrýdan saqtap qaldyńyz. Qudaı men adamzattyń qarym-qatynasy da osyǵan uqsas. Durys ómir súr, qorshaǵan tabıǵatqa meıirimmen qara, berilgen dúnıeni jaýapkershilikpen paıdalan, qutyrma, “adamzattyń bárin súı, baýyrym dep”, materıaldyq dúnıege kóp boı aldyrǵannan góri, rýhanı ós dep talaı ret Táńir tarapynan aıtyldy emes pe?! Tyńdaǵan qaısymyz bar?! “Má, endeshe!” boldy sosyn. Endi jatyrmyz, ne bolar eken dep. Qur jatpaıyq oılanaıyq, túısineıik, túbegeıli ishteı de syrttaı da ózgereıik. Erkelep boldyq qoı, jetetin shyǵar?! Kózge kórinbeıtin bıtteı ǵana vırýspen eki-úsh aıda qalaı adamzatty tárbıeledi Qudaı?! Vot! Ózimiz de kóp nárseni tez túsindik. Erkindik pen aralas-quralastyqtyń, qaýipsizdik pen úreısiz ómir súrýdiń qadirin az ýaqytta sezinip úlgerdik. Osymen “aıýǵa namaz úıretken taıaq” ádisi toqtasa eken dep oıyrmyz. Bul qatań sabaqtyń tezirek toqtaý siz ben bizge baılanysty, baýyrlar...

Pikirler