مىنا سۋرەتتەگىدەي سومكەلەرىڭىز قالدى ما؟
ۇيدەن الا سومكە تاپپاساڭىز ساتىپ الىڭىز.
مۇنايدىڭ باعاسى باررەل 25 دوللاردىڭ ماڭايىنا جاقىنداي ءتۇسىپتى، كەلەشەكتە ءبىزدىڭ urals ماركالى مۇناي ودان دا تومەن تۇسەدى ەكەن.
قايتادان الا سومكەنى الىپ، قىتايدان تاۋار تاسيتىن كەز كەلدى. دوردوي، باراحولكاعا بەت الىپ، تىرشىلىك جاسايمىز...
ويتكەنى مۇنايسىز قازاقستان دەگەنىمىز ۇلكەن قىرعىزستان سياقتى ەل عوي..
بىراق ادىلدىگىن ايتا كەتۋ كەرەك، قۇداي بىزگە "ەكونوميكالارىڭدى قۇرىپ، مەملەكەتتىلىگىڭدى دەرەۋ بەكىتىپ الىڭدار" دەپ، باقانداي وتىز جىل مەن ميللياردتاعان قارجىنى بەردى. ول حاق.
ال ونى نەگە نازارباەۆ ىسكە اسىرا المادى، ول ەندى باسقا اڭگىمە.
سىزدەر ءانۋار قوجا دەگەندى بىلەسىزدەر مە؟
يوسيپ تيتونى شە؟
نيكولاە چاۋشەسكۋ؟
بۇلار البان، سەرب، رۋمىن حالىقتارىن وتىز - قىرىق جىل بيلەگەن، حالقىنا اۋىزى كوبىكتەنىپ كەلەشەكتە جارقىن بولاشاق ۋادە ەتكەن كوممۋنيستىك پارتيانىڭ كوسەمدەرى نەمەسە ناقتىراق ايتساق دارىنسىز باسشى، توعىشار مامان، كوبىكاۋىز قىرتتار، كوسەمسىماقتار.
"تۇگەنىنشى جىلى تۇگەن بولادى، پالەنىنشى جىلى پالەن بولادى" دەپ قۋاتىن بۇلار.
قىرتىپ - قىرتىپ اقىرى جوعالدى، ال باسقارعان ەلدەرى، حالىقتارى قاتتى داعدارىپ، ارتتا قالىپ مەشەۋ بوپ قالدى. ولار حالقىنا ۇلكەن وبال جاساپ كەتتى.
ەندى قازىر، انالار ساياسي ساحنادان كەتكەسىن ولار ايتقان جارقىن بولاشاقتى اقىرى كورمەگەن الگى حالىقتاردىڭ ءبىراز اداسا ءجۇرىپ كوزدەرى اشىلىپ مەملەكەتتەرىن ءتىپتى باسقا ارنادا قايتا قۇرىپ ءوز سۇرلەۋلەرىن تاپتى... بۇلاردىڭ باعى سول، بۇلار - ەۋروپا حالىقتارى.
ال ءبىز...
ءبىز دە الا دوربامىزدى سۇيرەپ مىندەتتى تۇردە وسى جولدان وتەتىن بولامىز.
