Myna sýrettegideı sómkelerińiz qaldy ma?
Úıden ala sómke tappasańyz satyp alyńyz.
Munaıdyń baǵasy barrel 25 dollardyń mańaıyna jaqyndaı túsipti, keleshekte bizdiń urals markali munaı odan da tómen túsedi eken.
Qaıtadan ala sómkeni alyp, Qytaıdan taýar tasıtyn kez keldi. Dordoı, baraholkaǵa bet alyp, tirshilik jasaımyz...
Óıtkeni munaısyz Qazaqstan degenimiz úlken Qyrǵyzstan sııaqty el ǵoı..
Biraq ádildigin aıta ketý kerek, qudaı bizge "ekonomıkalaryńdy quryp, memlekettiligińdi dereý bekitip alyńdar" dep, baqandaı otyz jyl men mıllıardtaǵan qarjyny berdi. Ol haq.
Al ony nege Nazarbaev iske asyra almady, ol endi basqa áńgime.
Sizder Ánýar Qoja degendi bilesizder me?
Iosıp Tıtony she?
Nıkolae Chaýsheský?
Bular alban, serb, rýmyn halyqtaryn otyz - qyryq jyl bılegen, halqyna aýyzy kóbiktenip keleshekte jarqyn bolashaq ýáde etken kommýnıstik partııanyń kósemderi nemese naqtyraq aıtsaq darynsyz basshy, toǵyshar maman, kóbikaýyz qyrttar, kósemsymaqtar.
"Túgeninshi jyly túgen bolady, páleninshi jyly pálen bolady" dep qýatyn bular.
Qyrtyp - qyrtyp aqyry joǵaldy, al basqarǵan elderi, halyqtary qatty daǵdaryp, artta qalyp mesheý bop qaldy. Olar halqyna úlken obal jasap ketti.
Endi qazir, analar saıası sahnadan ketkesin olar aıtqan jarqyn bolashaqty aqyry kórmegen álgi halyqtardyń biraz adasa júrip kózderi ashylyp memleketterin tipti basqa arnada qaıta quryp óz súrleýlerin tapty... Bulardyń baǵy sol, bular - Eýropa halyqtary.
Al biz...
Biz de ala dorbamyzdy súırep mindetti túrde osy joldan ótetin bolamyz.
